‘కార్తికేయ 2′ మూవీతో సాలిడ్ హిట్ కొట్టాడు యంగ్ హీరో నిఖిల్. ఈ సినిమాతో పాన్ ఇండియా లెవల్లో గుర్తింపు తెచ్చుకున్నాడు. అందుకే నిఖిల్ అప్ కమింగ్ సినిమాలకు మంచి క్రేజ్ ఏర్పడింది. కార్తికేయ 2 వంటి బ్లాక్ బస్టర్ తర్వాత నిఖిల్ నుంచి ఎలాంటి సినిమా వస్తుందా అని ఆసక్తిగా ఎదురుచూస్తున్నారు. నిఖిల్ కూడా అందుకు తగ్గట్టే మరో హిట్ అందుకోవాలని చూస్తున్నాడు. అందుకే అస్సలు కాంప్రమైజ్ అవడం లేదు. ప్రస్తుతం నిఖిల్, అనుపమ పరమేశ్వరన్ కలిసి ’18 పేజెస్’ అనే సినిమాలో నటిస్తున్నారు. పల్నాటి సూర్య ప్రతాప్ దర్శకత్వంలో తెరకెక్కుతున్న ఈ సినిమా.. డిసెంబర్ 23న రిలీజ్ చేసేందుకు ప్లాన్ చేస్తున్నారు. అయితే ఈ సినిమా రిలీజ్‌కు ఇంకా మూడు వారాల సమయం మాత్రమే ఉంది. అయినా ఇంకా షూటింగ్ జరుపుకుంటోంది. వాస్తవానికి ఈ సినిమా ఎప్పుడో షూటింగ్ పూర్తి చేసుకుంది.. ఇప్పటికే థియేటర్లోకి రావాల్సింది. కానీ పలు కారణాల వల్ల వాయిదా పడుతూ వస్తోంది. అయితే ఈ మధ్యలో కార్తికేయ2 బిగ్గెస్ట్ హిట్‌గా నిలవడంతో.. 18 పేజెస్‌లో కీలక మార్పులు చోటు చేసుకున్నాయి. నిఖిల్ పై పెరిగిన అంచనాలకు తగ్గట్టుగా.. కొన్ని సన్నివేశాలను రీ రైట్ చేసి షూటింగ్ చేస్తున్నారు. గత కొద్దిరోజుల క్రితమే ఈ సినిమా రీ షూట్ చేసుకుంటోందని వినిపించింది. కానీ మళ్లీ ఇప్పుడు హైదరాబాద్‌లో షూటింగ్ జరుగుతోంది. చిత్ర యూనిట్ ఇది ప్యాచ్ వర్క్ అని చెప్తున్నా.. ఇండస్ట్రీ టాక్ ప్రకారం రీ షూట్ చేస్తున్నారని తెలుస్తోంది. దాంతో ప్రమోషన్స్ చేయాల్సిన సమయంలో షూటింగ్ చేస్తుండడం.. డిస్ట్రిబ్యూటర్స్‌ భయపడేలా చేస్తోంది. మరి నిఖిల్ ఇప్పటికైనా ’18 పేజెస్’ను అనుకున్న సమయానికి రిలీజ్ చేస్తాడేమో చూడాలి.
