ఓ యువకుడు 146 సెంటీమీటర్లు జుట్టును పెంచి గిన్నిస్ వరల్డ్ రికార్డు సాధించాడు. ఈ విషయాన్ని గిన్నిస్ బుక్ యాజమాన్యం తన సోషల్ మీడియాలో అకౌంట్లో షేర్ చేసింది. 15 ఏళ్ల సిదక్‌దీప్ సింగ్ చాహల్ ఈ ఘనతను సాధించాడు. ఉత్తరప్రదేశ్‌కు చెందిన సిదక్‌దీప్ సింగ్ చాహల్ చిన్నప్పటి నుంచి తన జుట్టును కత్తించుకోకపోవడం విశేషం. చిన్నవాడైన అతన్ని ఎవరైనా చూస్తే అమ్మాయే అని అనుకుంటారు. కానీ ఇప్పుడు అతను సాధించిన ఘనతతో ఫేమస్ అయిపోయాడు.
గిన్నిస్ వరల్డ్ రికార్డ్స్ పోస్టు చేసిన వీడియో:
చదవండి: Microplastics : షాకింగ్..మేఘాల్లో కూడా ప్లాస్టిక్ ముక్కలు!
ప్రపంచంలోనే అతి పొడవైన జుట్టున్న కుర్రాడిగా సిదక్‌దీప్ సింగ్ చాహల్..గిన్నిస్ వరల్డ్ రికార్డ్స్ 2024లో చోటును సంపాదించుకున్నాడు. ఈ విషయాన్ని గిన్నిస్ వరల్డ్ రికార్డ్ అధికారికంగా వెల్లడించింది. అతనికి సంబంధించిన ఓ వీడియోను కూడా షేర్ చేసింది. ప్రస్తుతం ఆ వీడియో సోషల్ మీడియాలో వైరల్ అవుతోంది.
గిన్నిస్ వరల్డ్ రికార్డ్ షేర్ చేసిన వీడియో:
View this post on Instagram
సిదక్ దీప్ సింగ్ తన జుట్టును వారంలో రెండు సార్లు శుభ్రం చేసుకుంటాడు. అతను తన జుట్టును వాష్ చేసుకోవడానికి ఏకంగా గంట సమయం పడుతుంది. సిదక్ దీప్ సిక్కు మత సంప్రదాయాలను పాటిస్తాడు. అందుకే చిన్నప్పటి నుంచి జుట్టు కత్తించుకోలేదని చెబుతాడు. 15 ఏళ్లలో అతను ఒక్కసారి కూడా కటింగ్ చేసుకోలేదు. దీంతో అతని జుట్టు 146 సెంటీమీటర్లు పెరిగింది. ఆ జుట్టే ఇప్పుడు అతనికి ప్రత్యేక గుర్తింపును తీసుకొచ్చింది.
