ఈ మధ్యకాలంలో డాక్టర్ల ఆపరేషన్లు బెడిసికొడుతున్నాయి. కొన్నిచోట్ల ఆపరేషన్ చేసిన సమయంలో కడుపులో కత్తెర పెట్టి కుట్టేయడం, దూది పెట్టి కుట్టేయడం వంటి ఘటనలు చోటుచేసుకున్న సంగతి తెలిసిందే. తాజాగా డాక్టర్లు ఓ మహిళకు సిజేరియన్ చేసి ఆమె కడుపులో ఏకంగా ఓ ప్లేట్ పెట్టి కుట్టేశారు. గర్భిణికి సిజేరియన్ చేసిన తర్వాత బిడ్డను బయటకు తీశారు. ఆ టైంలోనే కడుపులో ప్లేట్ పెట్టి కుట్టేసిన సంఘటన న్యూజిలాండ్ (New Zealand)లో చోటుచేసుకుంది.
చదవండి: Earth Like Planet: గుడ్‌న్యూస్ చెప్పిన శాస్త్రవేత్తలు..భూమిని పోలిన మరో గ్రహం!
న్యూజిలాండ్ హెల్త్ అండ్ డిసేబిలిటీ కమిషనర్ మొరాగ్ ఈ ఘటనకు సంబంధించి ఓ ప్రకటన చేశారు. 20 ఏళ్ల వయస్సున్న ఓ మహిళ పురిటి నొప్పులతో అక్లాండ్ నగరంలోని ఆస్పత్రికి చేరిందని, ఆమెకు నార్మల్ డెలివరీ చేయడానికి డాక్టర్లు ప్రయత్నించినట్లు తెలిపారు. ఎంతకూ డెలివరీ కాకపోవడంతో సిజేరియన్ చేసి బిడ్డను బయటకు తీశారన్నారు. ఆ తర్వాత డిశ్చార్జ్ అయినన ఏడాదిన్నర నుంచి ఆమె తీవ్ర కడుపు నొప్పితో బాధపడిందన్నారు.
చదవండి: Jill Biden: అమెరికాలో మళ్లీ కరోనా..అధ్యక్షుడి భార్యకు పాజిటివ్
సాధారణ కడుపు నొప్పి అనుకుని డాక్టర్లు ఇచ్చిన మెడిసిన్ వాడినట్లు తెలిపారు. అయితే కొన్ని రోజులకు తీవ్ర కడుపునొప్పి రావడంతో వైద్యులు ఆమెకు సిటీ స్కాన్ చేశారు. రిపోర్ట్ చూసి డాక్టర్లు ఆశ్చర్యపోయారు. కడుపులో ప్లేట్ ఉన్నట్లు గుర్తించి వెంటనే ఆమెకు సర్జరీ చేశారు. ఆ మహిళకు అత్యవసర శస్త్రచికిత్స చేసి కడుపులో ఉండే ప్లేటును బయటకు తీశారు. స్థానికంగా ఈ ఘటన కలకలం రేపింది. తనకు వైద్యులు చేసిన పనికి ఆ మహిళ పోలీసులను ఆశ్రయిస్తానని తెలిపింది.
