Russian President Putin is on a two-day visit to China
Vladimir Putin: ఇటీవలే రష్యా దేశానికి ఐదోసారి అధ్యక్షుడిగా వ్లాదిమిర్ పుతిన్ ఎన్నికైన విషయం తెలిసిందే. ఎన్నికైన తరువాత తొలిసారి ఆయన చైనాలో పర్యటించనున్నారు. ఈ మేరకు మే 16, 17 తేదీల్లో పుతిన్ చైనాలో పర్యటించబోతున్నట్లు ఇప్పటికే చైనా విదేశాంగ శాఖ ప్రకటించింది. ఎనిమిది నెలల కాలంలో పుతిన్ చైనాలో పర్యటించడం ఇదో రెండోసారి. ఐదవ సారి ఎన్నకకు ముందు ఒక సారి పర్యటించారు. దీనిలో భాగంగా ఆ దేశ అధ్యక్షుడు జిన్‌పింగ్‌తో సమావేశం కానున్నారు. ఆ రెండు దేశాల మధ్య దౌత్య సంబంధాల గురించి వారు చర్చించనున్నారు.
చదవండి:Gaza: వాహనంపై దాడి చేయగా.. భారతీయుడు మృతి!
రష్యా, చైనాల మధ్య దౌత్య సంబంధాలు నెలకొని 75 ఏళ్లు పూర్తి అయ్యాయి. ఈ సందర్భంగా చైనా అధ్యక్షుడు జిన్పింగ్ ఆహ్వానం మేరకు పుతిన్ చైనాకు వెళ్లనున్నారు. రెండు రోజులపాటు అక్కడే కీలక సమావేశాల్లో మాట్లాడి, చైనాను సందర్శిస్తున్నారని రష్యా విదేశాంగ శాఖ వెల్లడించింది. డ్రాగన్ ప్రెసిడెంట్ జిన్పింగ్ గతవారమే ఐదు రోజుల పాటు ఐరోపా పర్యటన ముగించుకున్నారు. అందులో భాగంగా సెర్బియా, హంగరీలనూ సందర్శించారు.
చదవండి:Ban : ఉత్తర కొరియాలో రెడ్‌ లిప్‌స్టిక్‌పై బ్యాన్‌! ఎందుకంటే?
