Plane Crash: ప్రముఖ హాలీవుడ్ నటుడు క్రిస్టియన్ ఒలివర్ అతని ఇద్దరు కూతుళ్లు విమాన ప్రమాదంలో మరణించారు. ఒలివర్ తన కుటుంబంతో కలిసి వెకేషన్‌కి వెళ్లారు. గ్రెనడైన్స్‌లోని బెక్వియా ద్వీపం నుంచి సెయింట్ లూసియాకు వెళ్తున్నారు. ఈ క్రమంలో బెక్వియాలో టేకాఫ్ అయిన కొద్ది సమయానికే విమానం కరీబియన్ సముద్రంలో కుప్పకూలింది. దీంతో ఒలివర్‌తో పాటు ఆయన ఇద్దరు కుమార్తెలు మడిత, అన్నీక్ కూడా మరణించారు. ఈ ప్రమాదంలో పైలట్ కూడా మరణించారు. విషయం తెలుసుకున్న కోస్ట్‌గార్డ్ సిబ్బంది మత్స్యకారులతో కలిసి మృతదేహాలను వెలికితీశారు.
ఇది కూడా చూడండి: Breaking News: వైసీపీకి అంబటి రాయుడు గుడ్‌బై
జర్మనీలో జన్మించని క్రిస్టియన్ ఒలివర్ వయస్సు 51 సంవత్సరాలు. ఇద్దరు కుమార్తెలు అన్నిక్(12), మదితా(10)తో కలిసి ప్రైవేట్ వాహనంలో వెళ్తున్న సమయంలో నిన్న ఈ ప్రమాదం చోటు చేసుకుంది. ఒలివర్ హాలీవుడ్‌తో పాటు జర్మనీలో పలు టీవీ సీరిస్‌ల్లో నటించారు. కోబ్రా 11 సిరీస్‌తో మంచి పేరు సొంతం చేసుకున్నారు. ది గుడ్ జర్మన్, స్పీడ్ రేసర్ సహా మొత్తం 60 సినిమాల్లో ప్రేక్షకులను అలరించారు.
ఇది కూడా చూడండి: Yatra 2: ‘యాత్ర2’ టీజర్.. చరిత్ర నన్ను గుర్తు పెట్టుకుంటుంది!
