అమెజాన్ రెండు ప్రోటో టైప్ ఉప‌గ్ర‌హాల(Satellites)ను ఆ సంస్థ విజ‌య‌వంతంగా ప్ర‌యోగించింది. యునైటెడ్ లాంచ్ అల‌య‌న్స్ అట్లాస్ 5 రాకెట్ వీటిని తీసుకుని నింగిలోకి దూసుకెళ్లింది. వ‌చ్చే కొన్నేళ్ల‌లో సుమారు 3,236 ఉపగ్రహాలను ప్ర‌యోగించ‌డం ద్వారా ఇంట‌ర్నెట్ సేవ‌ల‌ను ప్ర‌పంచ‌వ్యాప్తంగా అందించాల‌ని అమెజాన్ భావిస్తోంది. స్పేస్ ఎక్స్ (Space X) అధిప‌తి ఎలాన్ మస్క్, అమెజాన్ (Amazon) అధిప‌తి జెఫ్ బెజోస్‌ల మ‌ధ్య అంత‌రిక్ష పోటీకి తెర‌లేచింది.
చదవండి : Allu Arjun Trivikram: పార్ట్ 2 ఫార్ములా ఫాలో అవుతున్న బన్నీ!
స్పేస్ ఎక్స్ ఆధ్వ‌ర్యంలో అంత‌ర్జాతీయ ఇంట‌ర్నెట్ (Internet) సేవ‌ల‌ను అందించ‌డానికి ఏర్పాటు చేసిన స్టార్‌లింక్‌కు పోటీగా బెజోస్ సైతం కూప‌ర్ ఇంట‌ర్నెట్ నెట్వ‌ర్క్‌ను తీసుకొస్తున్న విష‌యం తెలిసిందే. దీని కోసం రూ.8000 కోట్ల (10 బిలియ‌న్ డాలర్స్‌)ను ఇన్వ్‌స్టమెంట్‌ (Investment)పెట్టాల‌ని నిర్ణ‌యించింది. ఇంట‌ర్నెట్ సేవ‌ల‌ను అందించ‌డానికి అమెజాన్, స్పేస్ఎక్స్ వంటి సంస్థ‌లు ఉపగ్రహాలను స్వ‌ల్ప భూ క‌క్ష్య‌లో ప్ర‌వేశ‌పెడ‌తాయి. ఇవి భూమికి సుమారు 590 నుంచి 630 కి.మీ. ఎత్తులో ఉంటాయి. త‌ద్వారా కేబుల్స్‌, ఫైబ‌ర్ ద్వారా నెట్ అందించ‌లేని ప్రాంతాల‌కూ శాటిలైట్ల ద్వారా అంత‌ర్జాల సేవ‌ల‌ను అందించొచ్చు. అందుకే అమెజాన్, స్పేస్ఎక్స్ (SpaceX)ఈ వ్యాపారంపై దృష్టి పెట్టాయి.
చదవండి : Asian Games 2023: క్రికెట్లో భారత్ కు గోల్డ్
