Continued concerns in France.. President dancing with his wife.. Netizens are outraged
France:పోలీసుల కాల్పుల్లో ఫ్రాన్స్ కు చెందిన 17 ఏళ్ల యువకుడు మృతి చెందడంతో ఆ దేశంలో పెద్ద ఎత్తున నిరసన సెగలు రగులుతున్నాయి. మంగళవారం నుంచి వరుసగా ఆ దేశ పౌరులు అనేక విధ్యంసాలకు పాల్పపడుతున్నారు. ఈ ఆందోళనలను అరికట్టెందుకు ఫ్రాన్స్(France) ప్రభుత్వం పెద్ద ఎత్తున బలగాలను దింపింది. దాదాపు 45 వేల మంది పోలీసు బలగాలను మోహరింపజేసింది. ఈ ఆందోళనలో పాల్గోన్న యువకులను కట్టడిచేస్తోంది. ఇప్పటికే 1,100 మందిని అరెస్ట్ చేసినట్లు ఫ్రాన్స్ ఇంటీరియర్ మినిస్టర్ గెరాల్డ్ డార్మానిన్ తెలిపారు. దేశ అధ్యక్షడు ఇమ్మాన్యుయేల్ మేక్రాన్(Emmanuel Macron) సైతం పౌరులను కాస్త సంయమనం పాటించవల్సిందిగా కొరినప్పటికీ పరిస్థితులు ఇంకా ఆందోళనగా మారుతున్నాాయి.
చదవండి:Bro movie:మూడు వారాల్లో సినిమా విడుదల.. ఇంకా షూటింగ్ పూర్తి కాలేదు.. ఆందోళనలో పవన్ ఫ్యాన్స్
ఈ దుర్ఘటన కారణంగా విమర్షలు ఎదుర్కొంటున్న అధ్యక్షుడు తాజాగా మరో వివాదం మూటగట్టుకున్నారు. దేశం మొత్తం ఇలా ఆందోళనలతో అతిలాకుతిలం అవుతుంటే మేక్రాన్(Emmanuel Macron) తన కుటుంబంతో కలిసి ఓ మ్యూజిక్ కన్సర్ట్ లో పాల్గోన్నారు. దీనికి సంబంధించిన వీడియో నెట్టింట వైరల్ అవుతుండటంతో, ఫ్రాన్స్ పౌరులు ఒక్క సారిగా భగ్గుమంటున్నారు. అధ్యక్షకుడిపై తీవ్ర స్థాయిలో విమర్షలు గుప్పిస్తూ సోషల్ మీడియాలో ఆ వీడియోను వైరల్ చేస్తున్నారు. ప్రముఖ బ్రిటిష్ సింగర్ ఎల్డాన్ జాన్(Eldon John) ఇటివలే పారిస్ లో ఓ మ్యూజిక్ కన్సర్ట్ నిర్వహించారు. ఈ షోకు అధ్యక్షుడు మేక్రాన్ తన సతీమణితో పాటు హాజరయ్యారు. ఆ షోలో తన భార్యతో కలిసి ఉత్సాహంతో చిన్న డ్యాన్స్ మూమెంట్ కూడా ఇచ్చారు. ప్రస్తుతం ఈ వీడియో నెట్టింట తెగ వైరల్ అవుతోంది.
నిజానికి ఈ పారిస్ లో ఎల్డాన్ జాన్ షో బుధవారం రాత్రి జరిగింది. అప్పటికీ ఫ్రాన్స్ లో ఆందోళనలు తీవ్ర స్థాయిలో లేవు. యువకుడు కాల్పుపులకు గురి అయింది మంగళవారమే అయినా గురువారం నుంచి ఆ ఘటనపై పెద్ద ఎత్తున్న ఆందోళనలు జరిగాయి. ఈ ఘటనపై అధ్యక్షుడు మేక్రాన్ కూడా శుక్రావారం స్పందించారు. ఫ్రాన్స్ లో శాంతికోసం యువకులు ఇల్లు వదిలి రావద్దని, వారిని ఇంటిపట్టున ఉంచే బాధ్యత తల్లిదండ్రులదే అని విజ్ఙప్తి చేశారు.
