floods in Tanzania : ఆఫ్రికా దేశం టాంజానియాలో గత రెండు వారాలుగా భారీగా వర్షాలు కురుస్తున్నాయి. దీంతో అక్కడ వరదలు విధ్వంసం సృష్టించాయి. దీంతో అక్కడ కనీసం ఇప్పటి వరకు 58 మంది మరణించారు. ఈ వర్షాలు, వరదల ప్రభావం వల్ల సుమారు లక్షా 26 వేల మంది ప్రభావితం అయ్యారని ప్రభుత్వం వెల్లడించింది. బాధితులందరికీ ఆహారం, నిత్యావసర వస్తువుల్ని పంపిణీ చేస్తున్నట్లు తెలిపింది.
చదవండి : ప్రపంచ అత్యంత రద్దీ విమానాశ్రయాల్లో దిల్లీ ఎయిర్‌పోర్ట్‌
టాంజానియాలో భవిష్యత్తులో వరదలు రాకుండా ఉండేందుకు 14 ఆనకట్టల్ని నిర్మించేందుకు ప్రయత్నిస్తున్నట్లు అక్కడి ప్రభుత్వ ప్రతినిధి మోభరే మతినీ తెలిపారు. తూర్పు ఆఫ్రికాలోని కొన్ని ప్రాంతాల్లో భారీగా వర్షాలు కురుస్తున్నాయి. దీంతో మరో పక్క కెన్యాలోనూ వరదల వల్ల ఇప్పటి వరకు 13 మంది మరణించారు. అక్కడ కూడా సహాయక చర్యలు ముమ్మరంగా కొనసాగుతున్నాయి.
చదవండి : ఆ రూట్లో రూ.349కే విమాన ప్రయాణం
గత ఏడాది అంటే 2023లో ఎల్‌నినో ఉద్భవించింది. దీని వల్ల సాధారణంగానే ప్రపంచ వ్యాప్తంగా అధిక ఉష్ణోగ్రతలు నమోదు అవుతాయి. దీని వల్ల ప్రపంచ వ్యాప్తంగా కరువు కాటకాలు, భారీ వర్షాలు, వరదలు లాంటి ప్రకృతి వైపరీత్యాలు ఏర్పడతాయని వాతావరణ శాస్త్రవేత్తలు చెబుతున్నారు.
