ప్రస్తుతం పవర్ స్టార్ పవన్ కళ్యాణ్ వరుస సినిమాలతో ఫుల్ బిజీగా ఉన్నారు. రీసెంట్‌గానే తమిళ్ సూపర్ హిట్ మూవీ ‘వినోదయ సీతం’ రీమేక్ షూటింగ్ స్టార్ట్ చేశారు. మెగా మేనల్లుడు సాయిధరమ్ తేజ్ ఈ సినిమాలో కీలక పాత్రలో నటిస్తున్నాడు. ‘గోపాల గోపాల’ తర్వాత మళ్లీ ఈ సినిమాలో దేవుడి పాత్రలో కనిపించబోతున్నారు పవన్ కళ్యాణ్. తమిళ్ వర్షన్‌కి దర్శకత్వం వహించిన సముద్రఖని తెలుగు రీమేక్‌కి కూడా దర్శకత్వం వహిస్తున్నారు. కానీ ఈ సినిమాలో హీరోయిన్ ఎవరనే విషయంలో మాత్రం.. గత కొద్ది రోజులు సస్పెన్స్ క్రియేట్ అవుతోంది. అయితే తాజాగా మేకర్స్.. ఈ సినిమా స్టార్ క్యాస్టింగ్‌ను అధికారికంగా ప్రకటించారు. ముందు నుంచి వినిపించినట్టుగానే కేతిక శర్మ ఓ హీరోయిన్‌గా ఫిక్స్ అయిపోయింది. అలాగే మరో యంగ్ బ్యూటీ ప్రియా ప్రకాష్ వారియర్ కూడా ఈ సినిమాలో ఛాన్స్ దక్కించుకుంది. ఈ మళయాళ ముద్దుగుమ్మ చివరగా నితిన్ సరసన ‘చెక్’ సినిమాలో నటించింది. ఇక ఇప్పుడు ఏకంగా పవన్ సినిమాలో బంపర్ ఆఫర్ కొట్టేసింది. అయితే ఈ సినిమాలో పవన్‌కు హీరోయిన్ లేదని వినిపించింది. కానీ ఇప్పుడు ఇద్దరు ముద్దుగుమ్మలను లాక్ చేయడం విశేషం. అలాగే ఈ సినిమాలో రోహిణి, బ్రహ్మానందం, తనికెళ్ల భరణి, సుబ్బరాజు, రాజా చెంబోలు నటిస్తున్నారు. ఇకపోతే.. సాయి ధరమ్ తేజ్ నటిస్తున్న పాన్ ఇండియా మూవీ ‘విరూపాక్ష’ టీజర్‌ను.. పవర్ స్టార్ చేతుల మీదుగా లాంచ్ చేశారు. అందుకు సంబంధించిన ఫోటోలను షోషల్ మీడియాలో షేర్ చేశారు. అయితే ఆడియన్స్ ముందుకి మాత్రం మార్చ్ 1నే ఈ టీజర్ రానుంది. ప్రస్తుతం పవన్ లుక్ సోషల్ మీడియాలో వైరల్‌గా మారింది.
