HitTV Exclusive Interview With Social Media Queen MB Chowdary
MB Chowdary: ఎంబీ చౌదరి, యూట్యూబర్.. బోనాలు సాంగ్‌తో సోషల్ మీడియాలో సెన్సేషన్ అయ్యారు. ఆమెతో హిట్ టీవీ ఎక్స్ క్లూజివ్ ఇంటర్వ్యూ చేసింది. పాట కోసం చాలా కష్టపడాల్సి వచ్చిందని వివరించారు. తర్వాత చిన్న తెరపై కనిపిస్తానని.. వీలయితే సినిమాల్లో కూడా యాక్ట్ చేస్తానని చెబుతున్నారు.
ఎంబీ చౌదరి స్వస్థలం భద్రాచలం చెర్ల.. థర్డ్ క్లాస్ వరకు అక్కడే చదువుతున్నారు. తర్వాత హైదరాబాద్ వచ్చేశారు. ఆమె తండ్రి వ్యవసాయం చేసేవారు. హైదరాబాద్ వచ్చాక హాస్టల్స్ రన్ చేశారు. ఆమెకు ముగ్గురు అన్నయ్యలు.. వెల్ సెటిల్డ్. కంప్యూటర్ సైన్స్ చదివిన ఆమె.. న్యూస్ ప్రజెంటర్‌గా కెరీర్ ప్రారంభించారు. తర్వాత యూట్యూబ్ చానెల్ పెట్టుకొని రీల్స్ చేసేవారు. ఇటీవల బోనాలు పాట చేసి ఒక్కసారిగా సెన్సేషన్ క్రియేట్ చేశారు. ఫోక్ సాంగ్ చేయాలని అనుకున్నానని.. అందుకే అమ్మవారి పాట ఎంచుకున్నానని వివరించారు.
ఆ పాట షూట్ ఉదయం 4 గంటలకు పూజ చేయాల్సి ఉండే.. కానీ లేటయ్యిందని తెలిపారు. తర్వాత వర్షం పడటం వల్ల మరింత ఆలస్యం అయ్యిందని.. వర్షం తగ్గిన తర్వాత పాట షూట్ చేశామని వివిరించారు. 6 గంటల్లో పాటను పూర్తిచేశామని తెలిపారు. హరిత వచ్చి డ్యాన్స్ స్టెప్పులు చెప్పడం కలిసి వచ్చిందని అంటున్నారు. తనకు కాబోయే భర్త ఎలా ఉండాలో చెప్పారు. తన కన్నా కొంచెం హైట్ ఉండాలని.. అర్థం చేసుకోవాలని, రెస్పెక్ట్ ఇవ్వాలని.. తనకు, తన ఫ్యామిలీని గౌరవించాలని చెబుతున్నారు.
