Hit TV Exclusive Interview with Bahubali Vinay
Bahubali Vinay: రాకేశ్ మాస్టర్ మృతిని అతని సన్నిహితులు తట్టుకోలేకపోతున్నారు. మాస్టర్‌తో గడిపిన రోజులను గుర్తుచేసుకుంటున్నారు. బాహుబలి వినయ్ (Bahubali Vinay).. క్యారెక్టర్ ఆర్టిస్ట్ అయినప్పటికీ మాస్టర్‌తో సాన్నిహిత్యం ఉంది. మాస్టర్‌తో అనుబంధం గురించి హిట్ టీవీతో పంచుకున్నారు. తాను ఇండస్ట్రీకి వచ్చి 20 ఏళ్లు అవుతుందని చెప్పారు. రౌడీ రోల్, సైడ్ క్యారెక్టర్ చేసేవాడినని వివరించారు. మాస్టర్‌కు ఆ రోజుల్లోనే కృష్ణనగర్‌లో డ్యాన్స్ ఇనిస్టిట్యూట్ ఉండేదని.. మారుతి కారు, ఎస్టిమ్ కారు ఉందని తెలిపారు. ఇనిస్టిట్యూట్ పైన జిమ్ ఉండేదని తెలిపారు. గత రెండేళ్ల నుంచి మాస్టర్‌తో క్లోజ్ నెస్ పెరిగిందని వివరించారు.
రామోజీ ఫిల్మ్ సిటీ వద్ద తన మామది ఆశ్రమం ఉంది.. మామను మాస్టర్ అన్న అని పిలుస్తారని బాహుబలి వినయ్ తెలిపారు. అప్పటి నుంచి తనను కూడా అల్లుడు అని పిలిచేవారని తెలిపారు. బోరబండలో మాస్టర్ ఇళ్లు ఉండేదని.. అందులో ఉండలేని పరిస్థితి అని వివరించారు. అక్కడి నుంచి మణికొండ, అక్కడి నుంచి మా ఇంటికి వచ్చి.. చివరికీ రామోజీ ఫిల్మ్ సిటీ వద్ద గల ఆశ్రమానికి వెళ్లిపోయారని చెబుతున్నారు. అక్కడ తన మామ స్వామిజీ చక్కగా చూసుకునేవారని గుర్తుచేశారు. డబుల్ బెడ్ రూమ్ ప్లాట్‌లో ఉంటోన్న మాస్టర్‌కు ఉదయం నాలుగు బాయిల్డ్ ఎగ్, డ్రై ప్రూట్స్, బాయిల్డ్ చికెన్ ఇచ్చేవారని తెలిపారు. మద్యం ఎక్కువగా తాగడం వల్ల ఆరోగ్యం చెడిపోయిందని వివరించారు.
సోషల్ మీడియా వచ్చిన తర్వాత మాస్టర్ లెవల్ పెరిగిపోయిందని… వ్యసనాలు ఎక్కువ అయ్యాయని తెలిపారు. మాస్టర్‌కు ముందు నుంచి మందు తాగే అలవాటు ఉందని.. ఫ్యామిలీతో డిస్టర్బెన్స్ తర్వాత ఎక్కువ అయ్యిందని చెప్పారు. ఓ సందర్భంలో మాస్టర్‌ను పెళ్లిళ్ల గురించి అడగ్గా.. కృష్ణుడు పెళ్లి చేసుకోలేదా..? అంటే గొడవలు జరిగాయని వివరించారు. బోరబండ నుంచి మణికొండ వెళ్లాల్సి వచ్చిందని చెప్పారు. మాస్టర్‌కు ఇద్దరు భార్యలు అని. .మొదటి భార్యతో సంతనాం లేదన్నారు. రెండో భార్యకు పాప, బాబు ఉన్నారని పేర్కొన్నారు. కృష్ణుడిపై చేసిన కామెంట్స్ వల్ల.. మాస్టర్ కుమారుడు బయటకి వెళితే కొట్టే పరిస్థితి వచ్చిందన్నారు. అప్పటి నుంచి భార్య విడిపోయిందని తెలిపారు.
ఇంటర్వ్యూ చేసే సమయంలో తాగించి,, కొందరు యాంకర్స్ టెంప్ట్ చేసేవారని తెలిపారు. చిరంజీవి అంటే అభిమానంతోనే ఇండస్ట్రీకి వచ్చి.. ఆయననే తిట్టారని తెలిపారు. పవన్ కల్యాణ్ టాటు వేసుకొని ఆయననే దూషించారని.. ఎన్టీఆర్ టాటు కూడా ఉంటుందని పేర్కొన్నారు. గత 6 నెలల నుంచి పాపతో కనెక్ట్ అయ్యారని వివరించారు.
