Police seized 280 kg of ganja in Rachakonda Police Commissionerate.
Ganja Seize: 280 కిలోల గంజాయిని పోలీసులు స్వాధీనం చేసుకున్నారు. రాచ‌కొండ పోలీసు క‌మిష‌న‌రేట్ ప‌రిధిలో ఈ గంజాయిని సీజ్ చేశారు. స్మ‌గ్లింగ్‌ చేస్తున్న ముగ్గురు వ్యక్తులను పోలీసులు అరెస్ట్ చేశారు. గంజాయిని త‌ర‌లిస్తున్న రెండు కార్ల‌ను, మూడు ఫోన్ల‌ను పోలీసులు సీజ్ చేసుకున్నారు. ఈ కేసులో భోస్లే అబ మ‌శ్చింద్ర(29), అవినాష్ శివాజీ రాథోడ్(19), సిద్ధ రామేశ్వ‌ర్ పూజారి(27) అనే ముగ్గురు వ్యక్తులను అరెస్ట్ చేశారు. వీరంత మ‌హారాష్ట్ర‌లోని సోలాపూర్‌కు చెందినవారని పోలీసులు నిర్ధారించారు. ఒడిశాలో తేజ అనే వ్యక్తి నుంచి ఈ సరకును కొని మహారాష్ట్రకు తరలిస్తుండగా పోలీసులకు పట్టుబడ్డారు.
ఇప్పటికే గంజాయి పట్ల రాష్ట్రవ్యాప్తంగా పోలీసులు అలెర్టు అయ్యారు. దీనిపై ఉక్కుపాదం మోపే దిశగా తెలంగాణ అధికారులు పనిచేస్తున్నారు. అయితే అజ‌య్ రాథోడ్ వద్ద మ‌శ్చింద్ర, శివాజీ రాథోడ్, రామేశ్వ‌ర్ మ‌హారాష్ట్ర‌లో గంజాయి వ్యాపారం చేస్తున్నట్లు విచారణలో తేలింది. వీరు మాములుగా పూజారి ప‌ని చేసేవారని పోలీసుల విచారణంలో తేలింది. అజ‌య్ సూచ‌న‌ల మేర‌కే గంజాయి కోసం వీరు ఒడిశాకు వెళ్లారని చెప్పారు. అక్కడ తేజ అనే వ్యక్తి వద్ద గంజాను కొనుగోలు చేశారు. అయితే ఒడిశాలో ఉండే తేజ అక్కడే గంజాయిని పండిస్తుంటాడు. అవసరం ఉన్నవాల్లకు ఆయన అమ్ముతుంటాడు. అలా అతని దగ్గర భారీ మొత్తంలో గంజాను కొనుగోలు చేసిన ఒడిశా నుంచి సోలాపూర్‌కు తరలిస్తుండగా రాచ‌కొండ పోలీసు క‌మిష‌న‌రేట్ ప‌రిధిలో ఎస్‌వోటీ పోలీసులు కారులను తనిఖీ చేశారు. రెండు కార్లలో గంజాయి ఉందని గుర్తించి సీజ్ చేశారు.
చదవండి:Fire Accident : రాజస్థాన్ లో ఘోర అగ్ని ప్రమాదం.. నలుగురు మృతి, 10మందికి తీవ్రగాయాలు
