Shanmukh Jaswanth: యూట్యూబ్ స్టార్, బిగ్‌బాస్ ఫేం షణ్ముక్ జశ్వంత్ గంజాయితో పట్టుబడ్డాడు. ఓ కేసు విషయంలో పోలీసులు అతని అన్నను పట్టుకోవటం కోసం వెళితే.. ఊహించని విధంగా షణ్ముక్ గంజాయితో దొరికాడు. షణ్ముక్ సోదరుడు సంపత్ వినయ్‌పై ఓ యువతి కేసు నమోదు చేసింది. దీనికోసం పోలీసులు అతని ఫ్లాట్‌కు వెళ్లి ఇంట్లో తనిఖీలు చేయగా అక్కడ గంజాయి, డ్రగ్స్ లభించాయి. దీంతో అన్నదమ్ములిద్దరిని పోలీసులు అదుపులోకి తీసుకున్నారు. షణ్ముక్ సోదరుడు సంపత్ వినయ్‌కు వైజాగ్‌కు చెందిన ఓ యువతితో మూడేళ్ల క్రితమే నిశ్చితార్ధం జరిగింది. సదరు యువతి డాక్టర్. నిశ్చితార్ధం జరిగిన కొద్ది రోజులకే ఆమె తల్లి క్యాన్సర్ బారిన పడ్డారు. అలా తల్లికి ట్రీట్‌మెంట్ చేయించే క్రమంలో ఆ యువతి పెళ్లిని వాయిదా వేస్తూ వచ్చింది.
ఇది కూడా చూడండి: Kerala: ఆక్యుపంక్చర్‌ వైద్యంతో డెలివరీకి ప్రయత్నించిన మహిళ.. చివరికి తల్లీబిడ్డ ఇద్దరు మృతి
ఇటీవల పెళ్లి ముహూర్తం కుదుర్చుకోగా.. మరో ఆరు రోజుల్లో పెళ్లి జరగాల్సి ఉంది. ఇంతలో సంపత్ వినయ్ ఆమెను మోసం చేసి మరో యువతిని వివాహం చేసుకున్నాడు. ఇక చివరికి మోసపోయానని గ్రహించిన బాధితురాలు హైదరాబాద్ నార్సింగి పోలీసులను ఆశ్రయించింది. తనతో ఎంగేజ్మెంట్ చేసుకొని ఆరు రోజుల్లో పెళ్లి ఉందనగా.. మరో యువతిని సంపత్ వినయ్ పెళ్లి చేసుకున్నాడని ఫిర్యాదులో పేర్కొంది. బాధితురాలి ఫిర్యాదు మేరకు సంపత్ వినయ్‌పై పోలీసులు కేసు నమోదు చేశారు. సంపత్ హైదరాబాద్‌లోని షణ్ముక్ ఫ్లాట్‌లో ఉన్నాడని తెలుసుకొని పోలీసులు అక్కడకు వెళ్లారు. కానీ అక్కడ సంపత్ వినయ్ లేదు.
ఇది కూడా చూడండి: Gold and Silver Rates Today : స్వల్పంగా పెరిగిన బంగారం, తగ్గిన వెండి ధరలు
షణ్ముక్ ఫ్లాట్‌లో పోలీసులు సోదాలు నిర్వహించగా.. డ్రగ్స్‌తో పాటు గంజాయి దొరికింది. అన్న కేసు విచారణ కోసం వెళ్లిన పోలీసులకు తమ్ముడు షణ్ముక్ అనుకోని విధంగా చిక్కాడు. దీంతో పాలీసులు అతడిని అదుపులోకి తీసుకున్నారు. మరో చోట అన్న సంపత్ వినయ్‌ను కూడా పోలీసులు అదుపులోకి తీసుకున్నారు. గంజాయితో పట్టుబడడం వల్ల ప్రస్తుతం ఇద్దరు పోలీసుల అదుపులోనే ఉన్నారు. కొన్ని నెలల క్రిందట షణ్ముక్ ఓ హిట్ అండ్ రన్ కేసులో ఇరుక్కున్నాడు. ఆ సమయంలో అతడు మద్యం సేవించలేదని తేలటంతో కేసు నుంచి తప్పించుకున్నాడు.
