Gold and Silver Rates : దేశీయ మార్కెట్లో పసిడి రేట్లు గురువారం స్వల్పంగా పెరిగాయి. పది గ్రాముల 24 క్యారెట్ల బంగారం ధర(Gold Rate) రూ.318 పెరిగి రూ.64,405కు చేరుకుంది. బుధవారం ఈ ధర రూ.64,087గా ఉంది. అలాగే బుధవారం రూ.73,074గా ఉన్న కిలో వెండి ధర(Silver Rate) రూ.744 తగ్గి రూ..72,330కు చేరుకుంది.
చదవండి : భారత్‌లో సైబర్‌ దాడులు పెరుగుతున్నాయి : కేస్పర్‌స్కై
తెలుగు రాష్ట్రాల్లోని ప్రధాన పట్టణాల్లో బంగారం, వెండి ధరలు ఎలా ఉన్నాయో ఇప్పుడు చూసేద్దాం. హైదరాబాద్‌, విజయవాడ, విశాఖ పట్నం, ప్రొద్దుటూరుల్లో 24 క్యారెట్ల పది గ్రాముల పసిడి ధర రూ. 64,405గా కొనసాగుతోంది. అలాగే ఈ నాలుగు పట్టణాల్లోనూ కిలో వెండి ధర రూ.72,330గా ఉంది. ఈ ధరలన్నీ మార్కెట్ల ప్రారంభం అయ్యే సమయానికి ఉన్నవని గుర్తుంచుకోవాలి. అలాగే ఆభరణాలు కొనుగోలు చేయాలని అనుకుంటున్న వారు ఈ ధరలు అన్నింటికీ మజూరీలు, ట్యాక్సులు తోడవుతాయని గుర్తుంచుకోవాలి.
చదవండి : గోవాలో ఘనంగా జరిగిన రకుల్‌ ప్రీత్‌ సింగ్‌ వివాహం
అలాగే అంతర్జాతీయ మార్కెట్లో స్టాక్‌ గోల్డ్ ధరలు స్వల్పంగా తగ్గాయి. బుధవారం ఔన్స్ స్పాట్ గోల్డ్ ధర బుధవారం 2030 డాలర్లు ఉండగా, గురువారం నాటికి 4 డాలర్లు తగ్గి 2026 డాలర్లకు చేరుకుంది. ప్రస్తుతం ఔన్స్ సిల్వర్ ధర 22.92 డాలర్లుగా ఉంది. అలాగే ఈ రోజు యూఎస్‌డీ కాయిన్‌, టెథర్‌, బైనాన్స్‌ కాయిన్‌ మినహా మిగిలిన క్రిప్టో కరెన్సీ ట్రేడింగ్‌ నష్టాల్లో కొనసాగుతోంది.
