Three Workers dead in Manhole : హైదరాబాదు నగరంలో ఓ విషాధ సంఘటన చోటు చేసుకుంది. మ్యాన్‌ హోల్‌లో మరమ్మతుల కోసం దిగిన ఓ వ్యక్తి అపస్మారక స్థితిలోకి వెళ్లాడు. అతడిని కాపాడటానికి మరో ఇద్దరు మ్యాన్‌ హోల్‌లోకి దిగారు. అక్కడి విష వాయువుల్ని పీల్చిన ఇద్దరు అక్కడికక్కడే ప్రాణాలు వదిలారు. మరొక వ్యక్తిని ఆసుపత్రికి తరలించగా చికిత్స పొందుతూ మృతి చెందాడు.
చదవండి : డచ్‌ పర్యాటకుడిపై లూటీ… నెల రోజులుగా బిచ్చగాళ్లతో టూరిస్ట్‌!
పోలీసులు తెలిపిన వివరాల ప్రకారం… ఈ ఘటన శుక్రవారం కుల్సుంపుర వద్ద ఉన్న మ్యాన్‌ హోల్‌(Manhole)లో జరిగింది. మొదట ఓ 40 ఏళ్ల కార్మికుడు మ్యాన్‌హోల్‌ లోపలికి వెళ్లాడు. తర్వాత అక్కడే కుప్ప కూలిపోయాడు. అతడిని రక్షించేందుకు బయట ఉన్న మరో ఇద్దరు ప్రయత్నించారు. ఈ క్రమంలోనే వారూ లోపలికి వెళ్లారు. ఆ ఇద్దరూ కూడా అపస్మారక స్థితిలోకి వెళ్లారు. డీఆర్‌ఎఫ్‌ సిబ్బంది ఇద్దరి మృత దేహాలను వెలికి తీశారు. ప్రమాదకర స్థితిలో ఉన్న మరొకరిని హుటాహుటిన ఆసుపత్రికి తరలించారు.
చదవండి : కులం, మతం పేరుతో ఓట్లడగొద్దు : ఈసీఐ
ఆసుపత్రిలో చికిత్స పొందుతూ ఆ వ్యక్తి కూడా మరణించాడు. మృతులను శ్రీనివాస్ (40), హనుమంతు (40), వెంకట్రాములు (48)గా గుర్తించారు. వీరిని ఓ ప్రైవేటు ఏజెన్సీ మ్యాన్‌ హోల్స్‌ నిర్వహణ కోసం కార్మికులుగా పెట్టుకుంది. సరైన భద్రతా ప్రమాణాలు పాటించకుండా విధులు నిర్వర్తించడం వల్లనే వారు మృతి చెందినట్లు ప్రాథమిక విచారణలో తేలింది. ఈ మేరకు పోలీసులు ఆ ప్రైవేటు ఏజెన్సీపై కేసు నమోదు చేశారు. దర్యాప్తు జరుగుతోంది.
