Fire Accident: మహారాష్ట్రలోని ఓ వస్త్ర దుకాణంలో భారీ అగ్నిప్రమాదం సంభవించింది. ఛత్రపతి శంభాజీనగర్ జిల్లాలోని వస్త్ర దుకాణంలో పెద్ద ఎత్తున మంటలు చెలరేగాయి. ఈ ఘటనలో కుటుంబానికి చెందిన ఏడుగురు వ్యక్తులు ప్రాణాలు కోల్పోయారు. కంటోన్మెంట్ ప్రాంతంలోని వస్త్ర దుకాణంలో తెల్లవారుజామున మంటలు చెలరేగాయి. అదే భవనంలోని రెండో ఫ్లోర్‌లో ఓ కుటుంబం నిద్రిస్తోంది. మంటలు రెండో ఫ్లోర్‌కు వ్యాపించలేదు. కానీ పొగ కారణంగా ఊపిరాడక ఆ కుటుంబంలోని ఏడుగురు వ్యక్తులు ప్రాణాలు కోల్పోయారు.
ఇది కూడా చూడండి: Waterbell: ఏపీ బడుల్లో ‘వాటర్‌ బెల్‌’
సమాచారం తెలుసుకున్న పోలీసులు వెంటనే ఘటనాస్థలానికి చేరుకున్నారు. మంటలు ఆపే ప్రయత్నం చేశారు. కానీ ఫలితం లేకపోయింది. మృతులను ప్రభుత్వ మెడికల్ కాలేజ్ ఆసుపత్రికి తరలించారు. ఈ మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. అయితే ఆ దుకాణంలో అగ్నిప్రమాదం ఎలా జరిగిందో కారణాలు ఇంకా తెలియదు.
ఇది కూడా చూడండి: Worlds Oldest Man: ప్రపంచంలోనే అత్యంత వృద్ధ వ్యక్తి మృతి!
