ఇంధన డిపోలో పేలుడు సంభవించడంతో 34 మంది దుర్మరణం చెందిన ఘటన నైజీరియాలో చోటుచేసుకుంది. పోలీసుల కథనం మేరకు.. దక్షిణ బెనిన్ పట్టణంలో ఓ పాత ఇంధన డిపో వద్ద ఈ సంఘటన జరిగింది. ప్రమాద ఘటనలో గుట్టలుగా శవాలు కనిపించాయి. స్థానికంగా ప్రజలు తీవ్ర ఆందోళన చెందారు. పోలీసులు, సహాయక బృందాలు ఘటనా స్థలానికి చేరుకుని క్షతగాత్రులను ఆస్పత్రికి తరలించారు. ఈ ఘటనలో గాయాలపాలైన వారి సంఖ్య వెల్లడించలేదు.
చదవండి: Navdeep: డ్రగ్స్ కేసులో నవదీప్ విచారణ పూర్తి.. పోలీసులకు ఏం చెప్పాడంటే
గత కొన్ని రోజులుగా ఇంధన డిపోలో కార్యకలాపాలు నిర్వహించడం లేదు. ఈ ప్రమాదంలో 20 మందికి పైగా ఆస్పత్రిలో చికిత్స పొందుతున్నట్లు పోలీసులు వెల్లడించారు. సహాయక చర్యలు కొనసాగుతున్నాయని అధికారులు తెలిపారు. అయితే గోడౌన్‌లో అక్రమంగా నిల్వ ఉంచి ఇంధనం వద్ద పేలుడు సంభవించిందని, ఆ సమయంలో అక్కడ పనిచేస్తున్నటువంటి 30 మంది చనిపోయారని అధికారులు వెల్లడించారు.
చదవండి: Canada:లో విద్యార్థులు..ఇండియాలో పేరెంట్స్ ఆందోళన
మృతుల సంఖ్య పెరిగే అవకాశం ఉందని, ఆస్పత్రిలో చికిత్స పొందుతున్న వారిలో పలువురి పరిస్థితి విషమంగా ఉందని అధికారులు వెల్లడించారు. ఈ గోడౌన్ నుంచి ఇంధనం ఇతర ప్రాంతాలకు రవాణా అవుతుంటుంది. ప్రస్తుతం అక్కడ రహస్యంగా కొన్ని కార్యకలాపాలు సాగిస్తున్నట్లు ఇది వరకే తమకు సమాచారం వచ్చిందని, దీనిపై వెంటనే చర్యలు తీసుకుంటామని పోలీసులు తెలిపారు. సంఘటనా స్థలం వద్ద కుటుంబీకుల రోదనలు మిన్నంటాయి.
ఇంధన డిపోలో చెలరేగుతున్న మంటలు:
