Delhi: ఢిల్లీలో ఘోర అగ్ని ప్రమాదం జరిగింది. పీతంపుర ప్రాంతంలోని ఓ భవనంలో ఒక్కసారిగా మంటలు చెలరేగాయి. ఈ మంటల్లో ఆరుగురు సజీవ దహనమయినట్లు పోలీసులు తెలిపారు. మృతుల్లో నలుగురు మహిళలు ఉన్నట్లు సమాచారం. మంటలు చెలరేగిన విషయం తెలియడంతో పోలీసులు, అగ్నిమాపక సిబ్బంది వెంటనే ఘటనా స్థలానికి చేరుకున్నారు. వెంటనే మంటలను అదుపు చేశారు. అయిన అప్పటికే ఆరుగురు సజీవ దహనమయ్యారు. మరో ఏడుగురిని రక్షించి ఆసుపత్రికి తరలించారు.
ఇది కూడా చూడండి: Horoscope Today: నేటి రాశిఫలాలు(2024 January 19th).. ఆర్థిక ఇబ్బందులు తప్పవు
నిన్న రాత్రి భవనంలోని మొదటి అంతస్తులో మంటలు చెలరేగాయి. అవి క్రమంగా మూడో అంతస్తుకు వ్యాపించాయి. దీంతో మూడు అంతస్తులు మొత్తం దట్టమైన పొగలు కమ్ముకున్నాయి. పొగలతో పాటు అగ్ని కూడా చుట్టూ ముట్టడించడంతో సజీవ దహనమయ్యారు. అయితే అగ్ని ప్రమాదానికి గల కారణాలు ఏంటో ఇంకా తెలియలేదు. షార్ట్ సర్క్యూట్ వల్ల అగ్ని ప్రమాదం జరిగి ఉంటుందని పోలీసులు భావిస్తున్నారు. అయితే ఈ ఘటనపై కేసు నమోదు చేసి పోలీసులు దర్యాప్తు చేస్తున్నారు.
ఇది కూడా చూడండి: sankranthi Block Blusters: రెండు దశాబ్దాలుగా.. సంక్రాంతి బ్లాక్ బ్లస్టర్లు ఇవే..!
