Crime: Man arrested for stealing 200 flights in 100 days!
Crime: విమానాల్లో ఎక్కువగా ప్రయాణిస్తే వ్యాపారవేత్త లేక రాజకీయ నాయకుడో అనుకుంటారు. కానీ ఓ వ్యక్తి 100 రోజుల్లో 200 విమానాల్లో ప్రయాణించాడు. ఇతను వ్యాపారవేత్త కాదు. రాజకీయ నాయకుడు అంతకంటే కాదు. అతను ఒక దొంగ. మొదట్లో రైళ్లో దొంగతనాలు చేసేవాడు. పోలీసులు గుర్తుపట్టడంతో విమానాల్లో దొంగతనాలు చేయడం మొదలుపెట్టాడు. వివరాల్లోకి వెళ్తే.. హైదరాబాద్ నుంచి ఢిల్లీ ప్రయాణించిన ఓ మహిళ తన హ్యాండ్ బ్యాగ్ నుంచి రూ.7 లక్షల విలువ చేసే ఆభరణాలు పోయినట్లు ఫిర్యాదు చేసింది. అలాగో మరో ప్రయాణికుడు రూ.20 లక్షల విలువ చేసే వస్తువులు కనిపించకుండా పోయాయని ఫిర్యాదు చేశాడు.
ఇది కూడా చూడండి: Subbamma : ఫోర్బ్స్‌ బిలియనీర్ల జాబితాలో 91 ఏళ్ల సుబ్బమ్మ
ఇలాంటి కేసులు ఎక్కువగా రావడంతో పోలీసులు నిఘా ఉంచారు. ఎయిర్‌పోర్ట్‌ల్లోని సీసీటీవీ పుటేజీలను గమనించారు. అయితే అన్నింట్లో రాజేశ్ కపూర్ అనే వ్యక్తి అనుమానంగా కనిపించాడు. దీంతో పోలీసులు అతనిని ఢిల్లీలో తన సొంత గెస్ట్ హౌస్‌లో అదుపులోకి తీసుకున్నారు. అప్పుడు ఎలా దొంగతనం చేసేవాడో పోలీసులకు చెప్పాడు. కనెక్టింగ్ ఫ్లైట్లలో ప్రయాణించేవాళ్లలో వయస్సు పైబడిన వాళ్లను లక్ష్యంగా చేసుకున్నాడు. వాళ్లను అనుసరించి మంచిగా మాట్లాడి బ్యాగ్‌లో ఉన్న వస్తువులను కొట్టేసేవాడు. ఫ్లైట్‌లో కూడా వాళ్ల పక్కనే కూర్చునేలా విమానసిబ్బందితో మాట్లాడుకునేవాడు. ఇలా దొంగతనాలు చేసేవాడు.
ఇది కూడా చూడండి: Cool Drinks: రోజూ కూల్ డ్రింక్స్ తాగితే ఏమౌతుంది..?
