A private travel bus caught fire in Nalgonda one person died
నల్గొండ(Nalgonda) జిల్లా మర్రిగూడ వద్ద ఓ ప్రైవేట్ ట్రావెల్ బస్సు(private travel bus) ఈరోజు తెల్లవారుజామున దగ్ధమైంది. షార్ట్‌సర్క్యూట్‌తో జరిగిన ఈ ప్రమాదంలో ఒకరు అక్కడికక్కడే సజీవ దహనం కాగా, పలువురు తీవ్రంగా గాయపడ్డారు. అయితే మంటలు చెలరేగిన క్రమంలో అప్రమత్తమైన ప్రయాణికులు కిందకు దిగగా..నిద్రమత్తులో ఉన్న ఓ ప్రయాణికుడు మాత్రం బస్సులోనే ఉన్నాడు. దీంతో అతన్ని మంటలు చుట్టుముట్టగా కొన్ని నిమిషాల్లోనే అగ్నికి అహుతయ్యాడు. ఈ బస్సు హైదరాబాద్ నుంచి చీరాలకు వెళ్తుండగా ఈ ఘటన జరిగినట్లు తెలుస్తోంది. మంటలు చెలరేగడంతో బస్సులోని ప్రయాణికుల సామాన్లు దగ్ధమయ్యాయి. బస్సు శ్రీకృష్ణ ట్రావెల్స్‌కు చెందినదిగా గుర్తించారు. ప్రమాదం జరిగిన సమయంలో బస్సులో 39 మందికిపైగా ప్రయాణికులు ఉన్నారు.
#Nalgonda
A private travel bus travelling from Hyderabad to Nellore caught fire near Nalgonda town, one person was burnt alive and several others were injured.@XpressHyderabad @NewIndianXpress @Kalyan_TNIE @balaexpressTNIE pic.twitter.com/ExKZIs80gr— Akalankam Seshu (@ienalgonda) December 4, 2023
ఆ క్రమంలో పలువురు ప్రయాణికులు అగ్నిమాపక సిబ్బంది, పోలీసులకు(police) సమాచారం తెలుపడంతో రంగంలోకి దిగిన సిబ్బంది మంటలను అదుపు చేశారు. క్షతగాత్రులను స్థానిక ఆసుపత్రికి తరలించారు. దీంతోపాటు కేసు నమోదు చేసిన పోలీసులు దర్యాప్తు చేస్తున్నారు. అయితే అసలు ఈ ప్రమాదం నిజంగా షార్ట్ సర్య్కూట్ వల్లనే జరిగిందా లేదా ఎవరైనా కావాలనే నిప్పంటించారా లేదా ఎవరైనా ప్రయాణికుడు సిగరేట్ కాల్చి బస్సులోనే వేయడం వల్ల మంటలు వచ్చాయా అనే విషయాలు తెలియాల్సి ఉంది. ఈ ఘటనపై స్థానికులు ఆగ్రహం వ్యక్తం చేస్తున్నారు. ప్రైవేటు ట్రావెల్ బస్సులు విచ్చలవిడిగా అనేక మంది ప్రయాణికులను బస్సులు ఎక్కించుకుని బస్సులకు కనీసం కొంత సేపు రెస్ట్ ఇవ్వకుండా అనేక ట్రిప్పులు తిప్పడం వల్లే ఇలాంటివి జరుగుతున్నాయని అంటున్నారు.
ఇది కూడా చూడండి: Gymలో పేలుడు నలుగురు మృతి, మరో 40 మందికి గాయాలు
