reliance jio : మన దేశంలో అగ్ర టెలికాం నెట్వర్క్‌ల్లో ఒకటైన రిలయన్స్‌ జియో(RELIANCE JIO ) 2023-24 ఆర్థిక సంవత్సరం చివరి క్వార్టర్‌కి సంబంధించిన ఫలితాలను వెల్లడించింది. క్వార్టర్‌ 4లో రూ.5,337 కోట్ల నికర లాభాన్ని ఆర్జించినట్లు వెల్లడించింది. గత ఏడాది ఇదే క్వార్టర్‌లో రూ.4,716 కోట్ల నికర లాభం వచ్చింది. దానితో పోలిస్తే ఈ ఏడాది 13 శాతం అధికంగా లాభం వచ్చినట్లు సంస్థ తెలిపింది.
చదవండి : తైవాన్ లో భారీ భూకంపం.. రిక్టర్ స్కేలు పై 6.3గా నమోదు
ఇక 2023 – 24 పూర్తి ఆర్థిక సంవత్సరంలో చూసుకుంటే జియో సంస్థ రూ.20,466 కోట్ల నికర లాభాన్ని ఆర్జించింది. అంతకు ముందు ఆర్థిక సంవత్సరంతో పోలిస్తే 2023 ఆర్థిక సంవత్సరంలో మొత్తం ఆదాయం రూ.1,00,119 కోట్లుగా నమోదైంది. అంతకు ముందు ఆర్థిక సంవత్సరంతో పోలిస్తే ఇది 10.2శాతం అధికం అని సంస్థ తెలిపింది.
చదవండి : స్టార్ హీరోకి జోడీగా శ్రీలీల..!
ఇక ముకేష్‌ అంబానికీ చెందన రిలయన్స్‌ ఇండస్ట్రీస్‌(RELIANCE INDUSTRIES) సైతం నాలుగో క్వార్టర్‌కు సంబంధించిన ఫలితాలను వెల్లడించింది. ఈ క్వార్టర్‌లో నికర లాభం స్వల్పంగా తగ్గింది. రూ.18,951 కోట్లుగా నమోదైంది. అంతకు ముందు ఏడాది ఇదే సమయంలో 19,299 కోట్ల నికర లాభం వచ్చింది. దానితో పోలిస్తే ఈ నాలుగో క్వార్టర్‌లో వచ్చిన లాభం రెండు శాతం మేర తక్కువ.
