PLD: తమిళనాడు కేంద్రీయ విశ్వవిద్యాలయం నుంచి గోగా అనిల్ గోల్డ్ మెడల్ అందుకున్నారు. నెకరికల్లు మండలం రూపెనగుంట్ల గ్రామానికి చెందిన అనిల్ మహమ్మారి, ప్రజారోగ్య శాస్త్రములో గోల్డ్ మెడల్ సాధించాడు. తమిళనాడు కేంద్ర విశ్వవిద్యాలయంలో జరిగిన 9వ స్నాతకోత్సవంలో కులపతి పద్మనాభన్ చేతుల మీదుగా గోల్డ్ మెడల్‌ను అందజేశారు.
SKLM: జిల్లాలో DR. BR. అంబేడ్కర్ యూనివర్సిటీ పరిధిలో గల డిగ్రీ మొదటి సెమిస్టర్ రెగ్యులర్, సప్లిమెంటరీ పరీక్షల తేదీలను యూనివర్సిటీ ఎగ్జామినేషన్ డీన్ డా. జి.పద్మారావు విడుదల చేశారు. ఈ పరీక్షలు డిసెంబర్ 12వ తేదీ నుంచి 23వ తేదీ వరకు జరుగుతాయని పేర్కొన్నారు. ఉదయం 9 గంటల నుంచి 12 గంటల వరకు పరీక్ష జరుగుతుందని తెలిపారు.
TPT: నేషనల్ అకాడమీ ఆఫ్ కన్‌స్ట్రక్షన్(NAC)లో 10వ తేదీ జాబ్ మేళా నిర్వహిస్తున్నట్లు జిల్లా నైపుణ్య అభివృద్ధి శాఖ అధికారి లోకనాథం పేర్కొన్నారు. అపోలో ఫార్మసీ, కోల్ మన్ సర్వీసెస్ కంపెనీల ప్రతినిధులు హాజరవుతారని తెలియజేశారు. ఇంటర్, డిగ్రీ, బి ఫార్మసీ పూర్తి చేసిన అభ్యర్థులు అర్హులు అని పేర్కొన్నారు.
ప్రముఖ మొబైల్ తయారీ కంపెనీ వన్ప్లస్ కమ్యూనిటీ సేల్‌ను ప్రకటించింది. ఈ సేల్ రేపటి నుంచి 17వ తేదీ వరకు అందుబాటులో ఉంటుంది. వన్ప్లస్ 12, 12R, నార్డ్ 4 ఫోన్లపై రాయితీ, బ్యాంకు డిస్కౌంట్లు అందిస్తోంది. 12 నెలల వరకు నో‌కాస్ట్‌ EMI సదుపాయం కల్పిస్తుంది. కంపెనీ అధికారిక వెబ్సైట్, అమెజాన్‌, ఫ్లిప్‌కార్ట్‌, మింత్రా వంటి స్టోర్లలో ఆఫర్లు లభిస్తాయి.
సూపర్ మార్టులను నిర్వహించే విశాల్ మెగామార్ట్ IPOకు రానుంది. ఈ నెల 11న సబ్‌స్క్రిప్షన్ ప్రారంభమై 13న ముగియనుంది. ధరల శ్రేణి వివరాలను కంపెనీ వెల్లడించాల్సి ఉంది. రూ.8వేల కోట్ల సమీకరణే లక్ష్యంగా వస్తున్న ఈ IPO పూర్తి ఆఫర్ ఫర్ సేల్ రూపంలో షేర్లను విక్రయించనుంది. కాగా, దేశవ్యాప్తంగా 626 విశాల్ మెగామార్ట్ స్టోర్లు ఉన్నాయి. మొబైల్ యాప్, వెబ్సైట్ ద్వారా కూడా విక్రయాలు జరుపుతోంది.
దేశీయ స్టాక్ మార్కెట్లు ఇవాళ స్వల్ప లాభాలతో ప్రారంభమయ్యాయి. సెన్సెక్స్ 14 పాయింట్ల లాభంతో 80,970 వద్ద కొనసాగుతోంది. నిఫ్టీ 24 పాయింట్లు కోల్పోయి 24,443 దగ్గర ట్రేడవుతోంది. డాలరుతో పోలిస్తే రూపాయి మారకం విలువ 4 పైసలు పెరిగి 84.71 ఉంది.
SKLM: జిల్లాలో ఇంటర్మీడియట్ చదువుతున్న విద్యార్థులు జనరల్ ఒకేషనల్ విభాగాల్లో ఫస్ట్, సెకండ్ ఇయర్ పబ్లిక్ పరీక్షల ఫీజు చెల్లించేందుకు గడువు గురువారంతో ముగుస్తుంది. జిల్లావ్యాప్తంగా జూనియర్ కళాశాలలో ఇంటర్ ప్రథమ, ద్వితీయ సంవత్సరం కలిపి దాదాపు 35 వేల మందికి పైగా చదువుతున్నారు. వీరంతా ఇవాళ సాయంత్రంలోపు పరీక్ష ఫీజు చెల్లించాలి.
KNL: APSSDC ఆధ్వర్యంలో ఆళ్లగడ్డలోని అనంత డిగ్రీ కళాశాలలో రేపు జాబ్ మేళా నిర్వహిస్తున్నట్లు జిల్లా నైపుణ్యాభివృద్ధి అధికారి శ్రీకాంత రెడ్డి తెలిపారు. ఈ జాబ్ మేళాలో 3 కంపెనీల ప్రతినిధులు పాల్గొంటారని చెప్పారు. జీతం రూ.14 వేల నుంచి రూ.20 వేల వరుకు ఉంటుందని, 10వ తరగతి ఆపై చదివిన నిరుద్యోగులు అర్హులన్నారు. ఈ అవకాశాన్ని సద్వినియోగం చేసుకోవాలని కోరారు.
క్రిప్టో కరెన్సీ బిట్‌కాయిన్ రికార్డును కొల్లగొట్టింది. తొలిసారి లక్ష డాలర్ల మార్కును దాటేసింది. అమెరికా అధ్యక్ష ఎన్నికల్లో డొనాల్డ్ ట్రంప్ విజయం సాధించినప్పటి నుంచి బిట్‌కాయిన్ విలువ పెరుగుతూనే ఉంది. క్రిప్టో కరెన్సీల విషయంలో ట్రంప్ సానుకూలంగా ఉండటమే దీనికి కారణమని విశ్లేషకులు అభిప్రాయం వ్యక్తం చేశారు.
CTR: బైరెడ్డిపల్లె మండలంలోని కమ్మనపల్లె గురుకుల పాఠశా లలో భౌతిక, జీవశాస్త్ర ఉపాధ్యాయ పోస్టు లకు దరఖాస్తులను ఆహ్వానిస్తున్నారు. ఆసక్తి గల అభ్యర్థులు శుక్రవారం లోపు దరఖాస్తు చేయాలని పాఠశాల ప్రిన్సిపాల్ శోభ ఒక ప్రకటనలో తెలిపారు. మరిన్ని వివరాలకు పాఠశాలలో సంప్రదించాలన్నారు.
SRD: సంగారెడ్డి లోని జిల్లా ఉపాధి కార్యాలయంలో గురువారం తేదీన ఉదయం 10 గంటలకు జాబ్ మేళా నిర్వహిస్తున్నట్లు అధికారి అనిల్ కుమార్ ప్రకటనలో తెలిపారు. 10, ఇంటర్మీడియట్ ఉత్తీర్ణులైన అభ్యర్థులు అర్హులని చెప్పారు. 18 నుంచి 30 సంవత్సరాలకు వయసున్న అభ్యర్థులు జాబ్ మేళాకు హాజరుకావాలని పేర్కొన్నారు.
MDK: హవేలిఘనపూర్ లో డీసెట్ రాసి అనివార్య కారణాలతో గతంలో జరిగిన హాజరుకాని అభ్యర్థులు ఈనెల 5న జిల్లా విద్యా శిక్షణా సంస్థలో ధ్రువపత్రాల పరిశీలనకు హాజరుకావాలని డైట్ ప్రిన్సి పల్ రమేష్ బాబు ఒక ప్రకటనలో తెలిపారు. అభ్యర్థులు ఈనెల 7 నుంచి 9 వరకు మీ-సేవా కేంద్రాలలో వెబ్ ఆప్షన్స్ ఇచ్చుకోవాలని, వీలైనన్ని ఎక్కువ కళాశాలలు ఎంపిక చేసుకోవాలని సూచించారు.
KMR: రామారెడ్డి మండలం ఉప్పల్ వాయి గ్రామ శివారులోని ఇటుక బట్టి వద్ద సీఆర్‌పీ మహమూద్ బడి ఈడు పిల్లల సర్వే చేపట్టారు. పదిమంది బడిఈడు పిల్లలను గుర్తించారు. ఈ పిల్లల కోసం ఆవాస ప్రాంత పాఠశాల ఏర్పాటు చేయాలని ఉన్నతాధికారులకు పిల్లల వివరాలు పంపించినట్లు మండల విద్యాశాఖ అధికారి ఆనందరావు తెలిపారు. పాఠశాల ఏర్పాటుకు కృషి చేస్తామన్నారు.
గురుగ్రామ్‌లోని ప్రభుత్వ రంగ సంస్థకు చెందిన PGCILలో పలు ఉద్యోగాల భర్తీకి నోటిఫికేషన్ రిలీజ్ అయింది. వివిధ ఆఫీస్‌లలో ఖాళీగా ఉన్న 71 ట్రైనీ ఆఫీసర్ పోస్టులను భర్తీ చేయనున్నారు. కనీసం 60 శాతం మార్కులతో డిప్లొమా, డిగ్రీ, ఎంబీఏ, పీజీ పూర్తి చేసి ఉండాలి. 28 ఏళ్లకు మించి ఉండకూడదు. జీతం రూ.50,000 నుంచి రూ.1,60,000 వరకు ఉంటుంది. https://www.powergrid.in/ ద్వారా ఆన్‌లైన్‌లో అప్లై చేసుక...
ELR: సత్రంపాడు ఐటీఐ కళాశాల వద్ద నిరుద్యోగ యువకులకు స్వల్పకాలిక శిక్షణ ఇచ్చి ఉపాధి కల్పించేందుకు చర్యలు చేపడుతున్నట్లు ప్రిన్సిపల్ రజిత బుధవారం ఒక ప్రకటనలో తెలిపారు. ఈనెల 8లోపు అప్లికేషన్‌ను స్వీకరిస్తామన్నారు. 30 సంవత్సరాలలోపు వారు పదవ తరగతి ఆపై చదువుకుని ఖాళీగా ఉన్న అభ్యర్థులు అర్హులని అన్నారు. ఈ అవకాశాన్ని సద్వినియోగం చేసుకోవాలని కోరారు.
