IndiGo offer: ప్రముఖ విమాన యాన సంస్థ ఇండిగో మరోసారి డిస్కౌంట్లు, తక్కువ ధరలకే విమాన టికెట్లను అందించేందుకు సమ్మర్‌ సేల్‌ని(Summer Sale ) ప్రకటించింది. ఈ సేల్‌లో భాగంగా టికెట్‌ ప్రారంభ ధ రూ.1,199 నుంచే ప్రారంభం అవుతుందని తెలిపింది. ఈ సేల్‌ మే 29 నుంచి మే 31 వరకు మూడు రోజుల పాటు ఉంటుందని చెప్పింది. సేల్‌లో టికెట్లను కొనుక్కోవాలని అనుకునే వారు 2024లో జూలై 01 నుంచి సెప్టెంబరు 30 మధ్య కాలంలో ప్రయాణాలు చేయవచ్చని వెల్లడించింది. పూర్తి వివరాలకు ఇండిగో అధికారిక వెబ్‌సైట్‌ను సందర్శించవచ్చు.
చదవండి : ఐఎండీబీ మోస్ట్‌ వ్యూవ్‌డ్‌ ఇండియన్‌ స్టార్‌గా దీపికా పదుకొనే
అలాగే మహిళా ప్రయణికుల భద్రతకు మరింత ప్రాముఖ్యతను ఇస్తూ ఇండిగో సంస్థ మరో కొత్త ఫీచర్‌ని అందుబాటులోకి తెచ్చింది. ఈ ఫీచర్‌ ద్వారా తమ పక్క సీట్లో ప్రయాణించే వారు మహిళలే ఉండేలా చేసుకోవడానికి వీలు కలుగుతుంది. దీంతో ఒంటరిగా ప్రయాణించే మహిళలకు మరింత సౌకర్యంగా ఉంటుంది. ప్రస్తుతం ఈ ఫీచర్‌ పైలెట్‌ దశలో ఉందని సంస్థ తెలిపింది.
చదవండి : ఎవరో పార్టీకి వెళితే నాకేంటి సంబంధం : మంచు లక్ష్మి
ఈ కొత్త ఫీచర్‌ను టికెట్‌(ticket) వెబ్‌ చెక్ ఇన్ చేసుకునే సమయంలో మహిళలు వాడుకోవచ్చని ఇండిగో(Indigo) తెలిపింది. తమ పక్క సీట్లో మహిళలే ఉండేలా దీని ద్వారా చూజ్‌ చేసుకోవచ్చని వెల్లడించింది. సోలో ట్రావెలింగ్‌ చేసే వారికి ముఖ్యంగా ఈ ఫీచర్‌ చాలా ఉపయోగకరంగా ఉంటుందని పేర్కొంది. త్వరలోనే పూర్తి స్థాయిలో దీన్ని అందుబాటులోకి తెస్తామని వెల్లడించింది.
