రిజర్వ్ బ్యాంక్ ఆఫ్ ఇండియా (RBI) గత ఏడాది నుంచి వడ్డీ రేట్లను పెంచుతూ వచ్చిన క్రమంలో కొత్త డిపాజిట్లను ఆకర్షించేందుకు పలు బ్యాంకులు అధిక వడ్డీ రేట్లను ఆఫర్ చేస్తున్నాయి. వడ్డీ రేట్లను పెంచుతున్నాయి. తమ డబ్బులకు రిస్క్ తక్కువుండే మంచి రాబడి రావాలనుకునే వారు ఫిక్స్‌డ్ డిపాజిట్ల (Fixed Deposits) వైపే మొగ్గు చూపుతారు. గత పది నెలల్లో వివిధ బ్యాంకుల్లో ఎఫ్‌డీ రేట్లు ఏకంగా 7 శాతం వరకు పెరిగాయి. భారతీయ రిజర్వ్ బ్యాంకు(RBI) ఈ సంవత్సరం రేపో రేటును 2.5 శాతం వరుకు పెంచింది అంతర్జాతీయ అనిశ్చితులకు తోడు పెరిగిపోతున్న ద్రవ్యోల్బణానికి (inflation) కట్టడిగా ఈ చర్య తీసుకుంది. దీంతో బ్యాంకులు తాము ఇచ్చే రుణాలపై రేట్లను పెంచాయి. అదే సమయంలో డిపాజిట్లపై వడ్డీ రేట్లను మాత్రం కొంత తక్కువ సవరించాయి.
చదవండి : VijayasaiReddy: లాయర్ ఫీజులు కట్టలేక తలపట్టుకుంటున్న విజయసాయిరెడ్డి!
ఐదేళ్ల టర్మ్ డిపాజిట్‌పై అన్ని ప్రభుత్వ బ్యాంకుల్లో వడ్డీ రేటు(Interest rate)అన్నది. 5.75 శాతం నుంచి గరిష్ఠంగా 6.7 శాతం మధ్య ఉంది.ఎక్కువ శాతం ప్రైవేటు రంగ బ్యాంకుల్లోనూ ఇది 6.2 శాతం నుంచి 7.25 శాతం మధ్యే ఉంది. ప్రైవేటు బ్యాంకుల్లో ఒక్క డీసీబీ బ్యాంక్ ఐదేళ్ల టర్మ్ డిపాజిట్ పై 7.75 శాతం రేటును ఆఫర్ చేస్తోంది. బ్యాంక్ డిపాజిట్లతో పోల్చుకుంటే ఐదేళ్ల పోస్టాఫీస్ టైమ్ డిపాజిట్ లో రేటు మెరుగ్గా ఉంది. 7.5 శాతం రేటు ప్రస్తుతం అమల్లో ఉంది. వడ్డీని ప్రతి మూడు నెలలకు ఒకసారి కాంపౌండ్ (అసలుకు కలుపుతుంటారు) చేస్తారు. చెల్లించడం మాత్రం వార్షికంగా చేస్తుంటారు. పోస్టాఫీసు (Post office) డిపాజిట్లకు కేంద్ర ప్రభుత్వం హామీగా ఉంటుందని మర్చిపోవద్దు. అందుకే ప్రస్తుతం బ్యాంక్ డిపాజిట్ల కంటే పోస్టాఫీస్ ఐదేళ్ల టైమ్ డిపాజిట్ లో రాబడి మెరుగ్గా ఉన్నట్టు కనిపిస్తోంది. పోస్టాఫీసు టైమ్ డిపాజిట్ లో కనీసం రూ.1,000 నుంచి ఇన్వెస్ట్ చేసుకోవచ్చు. గరిష్ఠ పెట్టుబడి పరిమితి లేదు.
చదవండి : KTR ఏందీ, అప్పుడు అలా, ఇప్పుడు ఇలానా..? ఆర్ఎస్పీ అటాక్
