Gold and Silver Rates Today : బంగారం, వెండి ధరలు శుక్రవారం కాస్త తగ్గుముఖం పట్టాయి. అయినప్పటికీ ఓవరాల్‌ మే నెలలో చూసుకుంటే రికార్డు ధరల్ని నమోదు చేశాయి. వీటికి సంబంధించిన పూర్తి వివరాల్ని ఇక్కడ చదివేయండి. శుక్రవారం దేశీయ మార్కెట్లో పది గ్రాముల పసిడి ధర స్వల్పంగా తగ్గింది. రూ.250 తగ్గి రూ.75,550కి చేరుకుంది.
చదవండి : ఎండాకాలంలో పెదాల పగుళ్లా..? ఇలా చెక్ పెట్టండి..!
తెలుగు రాష్ట్రాల్లోని ప్రధాన పట్టణాలైన విశాఖపట్నం, హైదరాబాద్‌, విజయవాడ తదితర ప్రధాన పట్టణాల్లోనూ పది గ్రాముల పసిడి ధర(Gold Rate) రూ.75,550గానే కొనసాగుతోంది. ఈ ధర మార్కెట్‌ ప్రారంభ సమయంలో ఉన్నది. నగల్ని కొనుగోలు చేస్తున్నప్పుడు జీఎస్టీ, మజూరీల్లాంటివి ఈ ధరలకు తోడవుతాయని వినియోగదారులు గమనించుకోవాలి.
చదవండి : దెయ్యంతో ప్రేమ.. ట్రైలర్ చూశారా!
అలాగే దేశీయ మార్కెట్లలో కిలో వెండి ధర(Silver Rate) శుక్రవారం అతి స్వల్పంగా రూ.28 తగ్గి రూ.88,380కు చేరుకుంది. విశాఖపట్నం, హైదరాబాద్‌, విజయవాడల్లోనూ దాదాపు ఇదే ధరలు కొనసాగుతున్నాయి. వెండి, బంగారం రెండూ కూడా నేడు స్వల్పంగా తగ్గినప్పటికీ ఓవరాల్‌గా చూసుకున్నట్లైతే ఈ నెలలో రికార్డు ధరల్ని నమోదు చేశాయి. వెండి ధర ఇప్పుడు ఆల్‌టైం రికార్డులో ఉంది.
ఇక అంతర్జాతీయ మార్కెట్లో స్పాట్‌ గోల్డ్‌, వెండి ధరలు స్వల్పంగా తగ్గాయి. నేడు స్పాట్‌ గోల్డ్‌ 12 డాలర్లు తగ్గి 2377 డాలర్లకు చేరుకుంది. అలాగే ఔన్సు వెండి 29.51 డాలర్లుగా ఉంది.
