Centre Warns Govt Hospitals: Prescribe Generic Medicines Or Face Action
Cipla: స్వాతంత్య్రం రాకముందే ప్రారంభమైన ఫార్మా కంపెనీ సిప్లా అమ్మకాల దశకు చేరుకుంది. ఈ కంపెనీ డీల్‌పై కాంగ్రెస్ సీనియర్‌ నేత జైరామ్‌ రమేష్ మాట్లాడుతూ దేశంలోని ప్రముఖ ఫార్మాస్యూటికల్‌ కంపెనీ సిప్లాను ‘బ్లాక్స్టోన్’ కొనుగోలు చేయడం పట్ల విచారం వ్యక్తం చేశారు. ఈ సంస్థ దేశ రాజకీయ, ఆర్థిక, సామాజిక చరిత్రలో భాగమైందన్నారు. ప్రపంచంలోని అతిపెద్ద ప్రైవేట్ ఈక్విటీ ఫండ్ ‘బ్లాక్స్టోన్’ సిప్లాలో ప్రమోటర్ కి చెందిన 33.47 శాతం వాటాను కొనుగోలు చేయడానికి వచ్చే వారంలోగా నాన్-బైండింగ్ బిడ్ వేయవచ్చని ఆయన పేర్కొన్నారు.
చదవండి:Agriculture Success Story: ఆవు పేడను అమ్మి కోటీశ్వరుడయ్యాడు.. ఊళ్లో ఇళ్లు చూస్తే షాకే
33.47 శాతం వాటాను విక్రయం
దేశంలోని పురాతన ఫార్మా కంపెనీ సిప్లాలో 33.47 శాతం ప్రమోటర్ వాటాను కొనుగోలు చేసేందుకు ప్రపంచంలోనే అతిపెద్ద ప్రైవేట్ ఈక్విటీ ఫండ్ బ్లాక్స్టోన్ చర్చలు జరుపుతోందని కాంగ్రెస్ ప్రధాన కార్యదర్శి రమేష్ ట్వీట్ చేశారు. సిప్లాను 1935లో ఖ్వాజా అబ్దుల్ హమీద్ ప్రారంభించారు. మహాత్మా గాంధీ, పండిట్ జవహర్‌లాల్ నెహ్రూ, సర్దార్ వల్లభాయ్ పటేల్, మౌలానా అబుల్ కలాం అజర్ ఖ్వాజా అబ్దుల్ హమీద్‌పై తీవ్ర ప్రభావం చూపారు. సీఎస్‌ఐఆర్‌ ఏర్పాటులో కీలక పాత్ర పోషించారు.
చదవండి:Stock market: భారీగా లాభపడ్డ సెన్సెక్స్.. నిఫ్టీ కూడా
ఆయన మాట్లాడుతూ, ‘సిప్లా భారత జాతీయవాదానికి ఒక ప్రకాశవంతమైన ఉదాహరణగా అవతరించింది. అతని కుమారుడు యూసుఫ్ హమీద్ సిప్లాను ప్రపంచవ్యాప్త తక్కువ-ధర జనరిక్ ఔషధాల సరఫరాదారుగా నిర్మించాడు. ఈ సంస్థ అమెరికన్, జర్మన్, బ్రిటిష్ గుత్తాధిపత్యాన్ని.. పేటెంట్ హోల్డర్లను విజయవంతంగా సవాలు చేసింది. భారత రాజకీయ, ఆర్థిక, సామాజిక చరిత్రలో సిప్లా అంతర్భాగమని, బ్లాక్స్టోన్ దానిని త్వరితగతిన స్వాధీనం చేసుకోవడం ప్రతి ఒక్కరినీ బాధపెడుతుంది.” అని జైరాం రమేష్ తన ఆవేదనను వెల్లడించారు.
