మెగాస్టార్ చిరంజీవి నటిస్తున్న మాస్ మూవీ ‘వాల్తేరు వీరయ్య’ సంక్రాంతికి రాబోతున్న సంగతి తెలిసిందే. ఈ సినిమాకు పోటీగా ‘వీరసింహారెడ్డి’ కూడా రంగంలోకి దిగుతున్నాడు. చిరు, బాలయ్య మధ్య ఈ సారి సంక్రాంతి వార్ పీక్స్‌లో ఉండబోతోంది. అలాగే ఈ ఇద్దరి మధ్యలో విజయ్ ‘వారసుడు’ కూడా రాబోతున్నాడు. జనవరి 12న వారసుడు రిలీజ్‌కు ప్లాన్ చేస్తున్నాడు దిల్ రాజు. అదే రోజు బాలయ్యను రంగంలోకి దింపారు మైత్రీ మూవీ మేకర్స్. జనవరి 12న ‘వీరసింహారెడ్డి’ రిలీజ్ చేస్తున్నట్టు రీసెంట్‌గానే అనౌన్స్ చేశారు. దాంతో బాలయ్య ఫ్యాన్స్ మధ్యలో.. ఓపెనింగ్స్ పరంగా ‘వారసుడు’ కొట్టుకుపోవడం ఖాయమనే కామెంట్స్ వినిపిస్తున్నాయి. అయితే సంక్రాంతి వార్‌లో ఉన్న సినిమాల్లో రెండు ఫైలన్ అయిపోయాయి. ఇక మిగిలింది ‘వాల్తేరు వీరయ్య’ మాత్రమే. అందుకే ఈ సినిమా రిలీజ్ డేట్ పైనే ఇప్పుడు అందరి దృష్టి ఉంది. ఈ సినిమాను కూడా మైత్రి మూవీ మేకర్సే నిర్మిస్తున్నారు. అందుకే పక్కా ప్లానింగ్‌తో ముందుకెళ్తున్నారు. ఎలాగు ‘వీరసింహారెడ్డి’ డేట్ లాక్ చేశారు కాబట్టి.. ‘వాల్తేరు వీరయ్య’ విడుదల తేదీని ప్రకటించబోతున్నట్టు తెలుస్తోంది. ఈ నేపథ్యంలో.. రానున్న మూడు నాలుగు రోజుల్లో.. వీరయ్య రాకను ఫిక్స్ చేయనున్నట్టు తెలుస్తోంది. ఇండస్ట్రీ వర్గాల్లో మాత్రం ఈ చిత్రం జనవరి 13న రిలీజ్ చేసే ఛాన్స్ ఉందని అంటున్నారు. ఇక వాల్తేరు వీరయ్యలో మాస్ మహారాజ రవితేజ కూడా కీలక పాత్రలో నటిస్తున్నాడు. దాంతో రవితేజ ఫ్యాన్స్ కూడా ఈ సినిమా రిలీజ్ అప్టేట్ కోసం ఈగర్‌గా వెయిట్ చేస్తున్నారు. మరి మైత్రి మేకర్స్ ఎప్పుడు క్లారిటీ ఇస్తారో చూడాలి.
