ప్రపంచ బ్యాంకు(World Bank) భారతదేశం(India) యొక్క 2024 ఆర్థిక సంవత్సరానికి గాను వృద్ధి రేటు అంచనాను 6.3%కి తగ్గించింది. వినియోగంలో మందగమనం, ఇతర బాహ్య పరిస్థితుల కారణంగా వృద్ది రేటు తగ్గే అవకాశం ఉందని అంచనా వేసింది. ప్రపంచ బ్యాంక్ మంగళవారం ఎఫ్‌వై 24 భారత ఆర్థిక వృద్ధి అంచనాను డిసెంబర్‌లో అంచనా వేసిన 6.6% నుంచి 6.3%కి తగ్గించింది. అయితే ప్రపంచ బ్యాంక్ చెప్పిన వృద్ధి రేటు రిజర్వ్ బ్యాంక్ ఆఫ్ ఇండియా గతంలో ప్రకటించిన FY24 అంచనా 6.4% ఆర్థిక వృద్ధికి సమీపంలో ఉండటం విశేషం. మరోవైపు ఫిబ్రవరి 28న విడుదల చేసిన నివేదిక ప్రకారం ఇండియా FY23లో 7% వృద్ధి రేటును నమోదు చేస్తుందని గణాంకాల మంత్రిత్వ శాఖ వెల్లడించింది.
కరోనా(corona) పాండమిక్ సంబంధిత ఆర్థిక చర్యల ఉపసంహరణ కారణంగా ప్రభుత్వ వినియోగం నెమ్మదిగా పెరుగుతుందని అంచనా వేసింది. ఆ క్రమంలో పెరుగుతున్న రుణ ఖర్చులు, తగ్గుతున్న ఆదాయ వృద్ధి నేపథ్యంలో ప్రైవేట్ వినియోగంపై ప్రభావం పడుతుందని ఏజెన్సీ తెలిపింది.
చదవండి: Breaking: ఆరుగురు పర్యాటకులు మృతి, 11 మందికి గాయాలు
FY23లో 8.3% వృద్ధితో పోలిస్తే, FY24లో ప్రైవేట్ వినియోగ వృద్ధి 6.9%కి చేరుతుందని ప్రపంచ బ్యాంక్ అంచనా వేసింది. FY23లో 1.2% విస్తరణ తర్వాత FY24లో ప్రభుత్వ వినియోగ వృద్ధి 1.1% తగ్గుతుందని వెల్లడించింది. FY23లో 10.1% వృద్ధిని తగ్గించినప్పటికీ, మూలధన వ్యయంపై ప్రభుత్వం దృష్టి సారించడం వల్ల ప్రయోజనం పొందవచ్చని చెప్పింది. ఇంకోవైపు FY24లో వస్తువులు, సేవల ఎగుమతులు 9.2% వద్ద పెరుగుతాయని, FY23లో 11.5% విస్తరణ కంటే కొంచెం తక్కువగా ఉంటుందని ప్రపంచ బ్యాంక్ తెలిపింది.
అంతేకాదు వినియోగదారుల ధరల సూచీ (CPI) ఆధారిత ద్రవ్యోల్బణం ముగిసిన ఆర్థిక సంవత్సరంలో 6.6% నుంచి FY24లో 5.2%కి తగ్గుతుందని ప్రపంచ బ్యాంకు అంచనా వేసింది. ఆస్తుల నాణ్యతలో మెరుగుదలలు, బలమైన ప్రైవేట్ రంగ క్రెడిట్ వృద్ధి కారణంగా భారతదేశ ఆర్థిక రంగం బలంగా ఉందని చెప్పుకొచ్చింది.
చదవండి: Breaking: ఆరుగురు పర్యాటకులు మృతి, 11 మందికి గాయాలు
