భారత స్టాక్ సూచీలు గురువారం ఉదయం సరికొత్త గరిష్టాలను తాకాయి. ఈ క్రమంలో సెన్సెక్స్(sensex) ఒక దశలో 66,000 మార్క్‌ను దాటేసింది. దీంతోపాటు నిఫ్టీ సూచీ దాదాపు 1 శాతం పెరిగింది. ప్రస్తుతం సెన్సెక్స్ 66 వేల పాయింట్ల దరిదాపుల్లో కొనసాగుతుండగా, నిఫ్టీ 19,530 పాయింట్ల ఎగువన ఉంది. ఈ నేపథ్యంలో నిఫ్టీ 50 కంపెనీల్లో 37 షేర్లు లాభాల్లో ముగిశాయి. TCS, Hindalco, LTIMindtree, Infosys, Tech Mahindra టాప్ గెయినర్లుగా ఉన్నాయి.
విదేశీ నిధుల స్థిరమైన ప్రవాహం సహా బలమైన ఆర్థిక దృక్పథం, ద్రవ్యోల్బణంలో నియంత్రణ వంటి అంశాల సపోర్టుతో భారతీయ స్టాక్‌లకు మద్దతు లభించినట్లు తెలుస్తోంది. అయితే వాల్యుయేషన్లు ఎక్కువగా ఉన్నందున ప్రస్తుత స్థాయిల నుంచి తదుపరి ర్యాలీ వచ్చే అవకాశం లేదని పలువురు విశ్లేషకులు అభిప్రాయపడుతున్నారు. మరోవైపు జూన్‌లో ఇండియాలో రిటైల్ ద్రవ్యోల్బణం పెరగడంతో కూరగాయలు, పాల ధరలు పెరిగాయి. అయినప్పటికీ స్టాక్ ధరలు పెరగడం విశేషం. భారతదేశం(india)లో రిటైల్ ద్రవ్యోల్బణం జూన్‌లో గణనీయంగా పెరిగి 4.81 శాతానికి చేరుకుంది. దీనికి కారణం కూరగాయల ధరలు గణనీయంగా పెరగడం. గ్రామీణ, పట్టణాల్లో ద్రవ్యోల్బణం సూచీ వరుసగా 4.72 శాతం, 4.96 శాతంగా ఉంది.
ఇది కూడా చూడండి: Telsa cars: త్వరలో భారత్ కు టెస్లా కార్లు..ధర ఎంతో తెలుసా?
ద్రవ్యోల్బణం పెరుగుదలకు పాక్షికంగా భారతదేశం అంతటా టమోటా ధరలు(prices) పెరుగుతున్న కారణంగా చెప్పవచ్చు. టమోటా ధరల పెరుగుదల దేశవ్యాప్తంగా చర్చనీయాంశంగా మారింది. కేవలం ఒక నిర్దిష్ట ప్రాంతం లేదా భౌగోళిక శాస్త్రానికి మాత్రమే పరిమితం కాలేదు. అనేక నగరాల్లో కిలోకు రూ.150-160 వరకు పెరిగింది. దీంతోపాటు మాంసం, చేపలు, గుడ్లు, పప్పులు సహా పలు నిత్యవసరాల ధరలు పుంజుకున్నాయి.
