సూర్య(suriya sivakumar) కాదు.. విక్రమ్ సినిమా తర్వాత రోలెక్స్ అంటూ రచ్చ చేస్తున్నారు ఫ్యాన్స్. విక్రమ్ సినిమాలో కనిపించింది కొద్ది సేపే కానీ.. ఆ క్యారెక్టర్ ఇంపాక్ట్ సినిమా పై కాసుల వర్షం కురిపించేలా చేసింది. క్లైమాక్స్‌లో గూస్ బంప్స్ తెప్పించిన రోలెక్స్(rolex) ఇప్పుడు.. ఫుల్ లెంగ్త్ ట్రీట్ ఇచ్చేందుకు రెడీ అవుతున్నట్టు తెలుస్తోంది.
యూనివర్సల్ స్టార్ కమల్ హాసన్ నటించిన విక్రమ్ సినిమా, కమల్(kamal)కి సాలిడ్ కంబ్యాక్ ఇవ్వడమే కాదు..అప్పటి వరకు కమల్‌కు ఉన్న అప్పులన్నీ తీర్చేసింది. కమల్‌కి కెరీర్ బిగ్గెస్ట్ హిట్ మాత్రమే కాదు.. కోలీవుడ్ బిగ్గెస్ట్ హిట్స్‌లో ఒకటిగా నిలిచింది విక్రమ్. టాలెంటెడ్ డైరెక్టర్ లోకేష్ కనగరాజ్(Lokesh Kanagaraj) డైరెక్ట్ చేసిన ఈ సినిమా తమిళ బాక్సాఫీస్ దగ్గర చాలా రికార్డులని క్రియేట్ చేసింది. అయితే.. పాన్ ఇండియా ఆడియన్స్‌ని అట్రాక్ట్ చేసిన ఈ సినిమా రేంజ్‌ని మరింత పెంచింది మాత్రం క్లైమాక్స్ అనే చెప్పాలి. ఈ సినిమాలో స్టార్ హీరో సూర్య ఇచ్చిన క్యామియో రోల్ రోలెక్స్ హైలెట్‌గా నిలిచింది. సూర్య ఇచ్చిన పవర్ ఫుల్ ఎంట్రీకి థియేటర్ టాపులు లేచిపోయాయి. ఒక్క మాటలో చెప్పాలంటే.. విక్రమ్ సినిమా మొత్తం ఒకెత్తు అయితే.. క్లైమాక్స్‌లో సూర్య vs కమల్ హాసన్ ఫ్రేమ్ ఒకెత్తుగా నిలిచింది.
సూర్య కనిపించింది కేవలం 10 నిమిషాలు కూడా ఉండదు. కానీ రోలెక్స్ రోల్ మాత్రం గూస్ బంప్స్ తెప్పించింది. అందుకే.. విక్రమ్ సినిమా చూసిన వాళ్లు రోలెక్స్ పాత్రతో ఫుల్ లెంగ్త్ మూవీ చేయమని లోకేష్‌ని రిక్వెస్ట్ చేస్తూ ఉంటారు. అయితే ఇప్పుడు రోలెక్స్ పాత్ర ఆధారంగా కొత్త సినిమాకు రంగం సిద్ధం అవుతున్నట్టు తెలుస్తోంది. ప్రస్తుతం సూర్య(suriya sivakumar) పీరియాడిక్‌ యాక్షన్‌ ఫిల్మ్‌ ‘కంగువ’తో బిజీగా ఉన్నారు. లోకేష్ ‘లియో’ సినిమాతో బిజిగా ఉన్నాడు. ఆ తర్వాత ఇద్దరికి రెండు మూడు కమిట్మెంట్స్ ఉన్నాయి. కానీ ఇప్పుడు లోకేష్ కనకరాజ్‌తో సినిమా చేసేందుకు సూర్య గ్రీన్‌ సిగ్నల్‌ ఇచ్చినట్టు తెలుస్తోంది. రీసెంట్‌గా ఫ్యాన్స్ మీట్‌లో పాల్గొన్న సూర్య.. లోకేష్ కనకరాజ్‌ దర్శకత్వంలో సినిమా చేయబోతున్నా. రోలెక్స్(rolex) పాత్ర ఆధారంగా చెప్పిన కథ నాకు బాగా నచ్చింది. నా లైనప్‌లో ఈ సినిమా కూడా ఉంది’ అన్నారు. దీంతో రోలెక్స్ ప్రాజెక్ట్ ఫిక్స్ అయిపోయినట్టే. అయితే ఈ ప్రాజెక్ట్ ఎప్పుడు సెట్స్ పైకి వెళ్తుందనేది చూడాలి.
