Coolie Teaser.. Are Lokesh Fans Disappointed?
Coolie Teaser: మామూలుగానే లోకేష్ కనగరాజ్ సినిమాలు నెక్స్ట్ లెవల్ అనేలా ఉంటాయి. లోకేష్ సినిమాటిక్ యూనివర్స్‌గా చేసిన ఖైదీ, విక్రమ్, లియో సినిమాలు బాక్సాఫీస్ దగ్గర సెన్సేషన్ క్రియేట్ చేశాయి. కానీ తన అభిమాన హీరో సూపర్ స్టార్ రజనీకాంత్ టైటిల్ అనౌన్స్మెంట్‌తో ఆశించినంత రేంజ్‌ హైప్ క్రియేట్ చేయలేకపోయాడనే చెప్పాలి. అసలు తలైవార్ 171 ప్రాజెక్ట్ అనౌన్స్ అయినప్పుడు.. అంచనాలు పీక్స్‌కు వెళ్లిపోయాయి. ఓ డై హార్డ్ ఫ్యాన్‌ రజనీ కాంత్‌ను ఎలా చూడాలి అనుకుంటున్నాడో.. అంతకుమించి అనేలా చూపించబోతున్నాడు లోకేష్. పైగా ఈ సినిమాలో రజనీ కాంత్ నెగెటివ్ రోల్ అనే న్యూస్ బయటికి రావడంతో.. తలైవార్ 171 మామూలుగా ఉండదని ఫిక్స్ అయిపోయారు. అందుకు తగ్గట్టే.. ఈ సినిమా టైటిల్‌ని ‘కూలీ’గా అనౌన్స్ చేస్తూ.. పవర్ ఫుల్ టీజర్ రిలీజ్ చేశాడు లోకేష్.
చదవండి:Pushpa 2: గెట్ రెడీ.. ‘పుష్ప 2’ ఫస్ట్ సింగిల్ వచ్చేస్తోంది!?
ఇక రజనీ ఫ్యాన్స్‌కు విజువల్ ట్రీట్ ఇచ్చేలా గోల్డ్‌లా మెరిసిపోయింది కూలీ టీజర్. బంగారంతో డిజైన్‌ చేసిన ఆయుధాలు, వాచ్‌ చైన్లతో రజినీ స్టైలిష్ లుక్ అండ్ ఫైట్ అదిరిపోయింది. కానీ కొందరు మాత్రం తమ అంచనాలకు తగ్గట్టుగా ఈ టీజర్ లేదనే కామెంట్స్ చేస్తున్నారు. ముఖ్యంగా లోకేష్ ఫ్యాన్స్ మాత్రం నిరాశకు గురయ్యారట. విక్రమ్, లియో రేంజ్‌లో కూలీ టైటిల్ టీజర్ కట్ చేయలేదని అంటున్నారు. గోల్డ్ బ్యాక్ డ్రాప్ బాగున్నప్పటికీ.. డైలాగులు, రజినీ యాక్షన్ మార్క్ కనిపించలేదనే కామెంట్స్ వినిపిస్తున్నాయి. ఓవరాల్‌గా విక్రమ్, లియో టైటిల్ గ్లింప్స్‌ రేంజ్‌లో కూలీ హైప్ క్రియేట్ చేయలేదని అంటున్నారు. కానీ ‘కూలీ’ అసలు కథ ముందు ఉందనే చెప్పాలి. రజనీ కాంత్‌ను ఎలా చూపించాలో కాదు.. నెక్స్స్ లెవల్ అనేలా నెక్ట్స్ రానున్న టీజర్, ట్రైలర్‌లో చూపించడం గ్యారెంటీ.
చదవండి:Game changer: గేమ్ చేంజర్.. పెరిగిన చరణ్ పారితోషికం, ఏకంగా అన్ని కోట్లా?
