నేచురల్ స్టార్ నాని(nani) హీరోగా ఇటీవల దసరా మూవీతో బ్లాక్ బస్టర్ హిట్ అందుకున్నాడు. శ్రీ‌కాంత్ ఓదెల రూపొందించిన ఈ సినిమా హీరోగా నానిని వంద కోట్ల క్ల‌బ్‌లో చేర్చింది. కాగా, నాని ఎప్పుడూ విభిన్న కథలతో ప్రేక్షకులను అలరించాలని అనుకుంటూ ఉంటారు. ఈ క్రమంలో ఆయన సరి కొత్త కథతో ప్రేక్షకుల ముందుకు రావడానికి రెడీ అయ్యారు. నాని న‌టిస్తున్న 30వ ప్రాజెక్ట్ ఇది. వైరా ఎంట‌ర్ టైన్‌మెంట్స్ బ్యాన‌ర్‌పై మోహ‌న్ చెరుకూరి, విజ‌యేంద‌ర్‌రెడ్డి తీగ‌ల ఈ చిత్రాన్ని నిర్మిస్తున్నారు. సీతారామం బ్యూటీ మృణాల్ ఈ మూవీలో హీరోయిన్ గా నటిస్తోంది. ఈ సినిమా ద్వారా శౌర్యువ్ దర్శకుడిగా పరిచయం అవుతున్నారు. తండ్రీ కూతుళ్ల ఎమోష‌న‌ల్ జ‌ర్నీ నేప‌థ్యంలో ఈ మూవీని తెర‌కెక్కిస్తున్నారు. పాన్ ఇండియా స్థాయిలో రూపొందుతున్న ఈ చిత్రానికి `హాయ్ నాన్న(Hi Nanna)` అనే టైటిల్‌ని ఫైన‌ల్ చేశారు. ఈ సందర్భంగా గురువారం టైటిల్ గ్లింప్స్‌ని మేకర్స్ విడుద‌ల చేశారు. టైటిల్ గ్లింప్స్‌ని రిలీజ్ చేయ‌బోతున్నామంటూ వినూత్నంగా ప్ర‌క‌టించిన నాని అన్న‌ట్టుగానే గురువారం టైటిల్ గ్లింప్స్‌ని విడుద‌ల చేసి ఫ్యాన్స్‌కు స‌ర్ ప్రైజ్ ఇచ్చారు.
తెలుగుతో పాటు ఈ చిత్రాన్ని త‌మిళ, మ‌ల‌యాళ, క‌న్న‌డ, హిందీ భాష‌ల్లో భారీ స్థాయిలో రిలీజ్ చేయ‌బోతున్నారు. `మీట్ య‌శ్న..మై ఫ్రెండ్ అంటూ పాప వాయిస్‌, మృణాల్ ఠాకూర్ విజువ‌ల్స్‌లో గ్లింప్స్ మొద‌లైంది. తండ్రి కోసం కూతురు..కూతురు కోసం తండ్రి ప‌డే తన నేప‌థ్యంలో ఓ ఎమోష‌న‌ల్ జ‌ర్నీగా ఈ చిత్రాన్ని ద‌ర్శ‌కుడు తెర‌కెక్కించిన‌ట్టుగా తెలుస్తోంది. తన ఫ్రెండ్ య‌శ్న‌ని తన తండ్రికి ఆ పాప పరిచయం చేయడంతో వీడియో పూర్తయ్యింది. మృణాల్ హాయ్ నాన్న అంటూ పలకరించడం విశేషం. అదే మూవీ టైటిల్ కావడం చాలా స్పెషల్ గా అనిపించింది.
