ఆంధ్రప్రదేశ్‌(Andhrapradesh)కి మరో వందేభారత్ రైలు (VandeBharath Express) రానున్నట్లు రైల్వే శాఖ తెలిపింది. ముఖ్యంగా తిరుమలకు వెళ్లే శ్రీవారి భక్తుల కోసం ఈ ప్రత్యేక రైలును కేంద్ర రైల్వే శాఖ నడపనున్నట్లు ప్రకటించింది. తిరుపతి నుంచి పుదుచ్చేరికి ఈ వందేభారత్ రైలు ప్రయాణించనుంది. ఇప్పటికే ఆ మార్గాల్లో వందేభారత్ హైస్పీడ్ రైళ్లను మోదీ సర్కార్ పట్టాలెక్కించింది.
చదవండి: Aadhaar Special Camps: ఏపీ ప్రజలకు అలర్ట్.. రేపటి నుంచి ఆధార్‌ స్పెషల్‌ క్యాంపులు
సికింద్రాబాద్ నుంచి తిరుపతికి ఒక వందేభారత్ రైలు ప్రస్తుతం నడుస్తోంది. ఇకపై పుదుచ్చేరి నుంచి కూడా మరో రైలు తిరుపతికి రానుంది. ఆ రెండు నగరాల మధ్య రూ.340 కిలో మీటర్ల దూరం ఉంది. ఈ వందేభారత్ ఎక్స్‌ప్రెస్ రైలు పుదుచ్చేరి, చెన్నై, తిరుపతి నగరాలను కలపనున్నట్లు కేంద్రం తెలిపింది. ఆ కొత్త రైలు విల్లుపురం జంక్షన్, మధురతంగం, చెన్నై సెంట్రల్, అరక్కోణం స్టేషన్లలో ఆగుతుంది. ఆ రైలును పుదువై వందేభారత్ ఎక్స్‌ప్రెస్ పేరుతో రైల్వేశాఖ ప్రారంభించనుంది. ఫిబ్రవరి 2024 నుంచి ఆ రైలు పట్టాలెక్కనుంది.
చదవండి: CM Jagan : ప్రభుత్వ ఉద్యోగులకు సీఎం జగన్ గుడ్‌న్యూస్..దసరా కానుకగా డీఏ
ఇకపోతే ఆగస్టు 31వ తేది నుంచి సికింద్రాబాద్ నుంచి మూడో వందేభారత్ ఎక్స్‌ప్రెస్ (VandeBharath Express) ప్రారంభం కానుంది. కాచిగూడ నుంచి యశ్వంత్ పూర్ కు ఈ వందేభారత్ రైలు నడవనుంది. ఆ రెండు నగరాల మధ్య ప్రయాణం 12 గంటలు ఉండగా దానిని ఇప్పుడు 7 గంటల వరకే కుదించనున్నారు. దీంతో రైల్వే ప్రయాణికులు ఆనందం వ్యక్తం చేస్తున్నారు.
