ఉమ్మడి మహబూబ్‌నగర్‌ జిల్లా మక్తల్ మాజీ ఎమ్మెల్యే కొత్తకోట దయాకర్‌రెడ్డి అనారోగ్యంతో మంగళవారం మృతి చెందారు. గత కొంతకాలంగా తీవ్ర అనారోగ్యంతో బాధపడుతున్న ఆయన ఆరోగ్యం విషమించింది. ఈ నేపథ్యంలో దయాకర్ రెడ్డి హైదరాబాద్‌లోని ఏఐజీ ఆస్పత్రిలో నెల రోజులుగా చికిత్స పొందుతూ ఈరోజు కన్నుముశారు. దయాకర్ రెడ్డి 1994, 1999లో టీడీపీ తరపున ఆమర్చింత నియోజకవర్గం నుంచి రెండుసార్లు ఎమ్మెల్యేగా గెలుపొందారు. ఆ తర్వాత 2009లో మక్తల్ నుంచి టీడీపీ తరపున మూడుసార్లు ఎమ్మెల్యేగా గెలిచారు. దయాకర్‌రెడ్డి భార్య సీతమ్మ కూడా ఒకసారి ఎమ్మెల్యేగా గెలిచారు. 2002లో జిల్లా పరిషత్‌ చైర్‌పర్సన్‌గా ఎన్నికయ్యారు. 2009లో దేవరకద్ర నియోజకవర్గం నుంచి ఎమ్మెల్యేగా గెలుపొందారు.
ఇది కూడా చూడండి: CM KCR : గద్వాల కలెక్టరేట్‌ను ప్రారంభించిన సీఎం కేసీఆర్‌
వీరిద్దరూ గతేడాది ఆగస్టులో టీడీపీకి గుడ్‌బై చెప్పారు. ఆ తర్వాత కాంగ్రెస్‌లో చేరతారనే ప్రచారం సాగింది. రేవంత్ రెడ్డి టీడీపీలో ఉన్నప్పుడు ఆయనతో కలిసి పనిచేశారు. రేవంత్ సూచన మేరకు ఆయన త్వరలో కాంగ్రెస్ కండువా కప్పుకోనున్నట్టు తెలిసింది. అయితే ఆయన ఏ పార్టీలో చేరలేదు. రాజకీయ పరిణామాల్లో భాగంగా దయాకర్ రెడ్డి గత కొంత కాలంగా రాజకీయాలకు దూరంగా ఉన్నార
