చియాన్ విక్రమ్(chiyaan Vikram) పుట్టినరోజు సందర్భంగా(ఏప్రిల్ 17న) అభిమానులకు మేకర్స్ క్రేజీ అప్ డేట్ ఇచ్చారు. తాను యాక్ట్ చేస్తున్న తంగళన్(Thangalaan) చిత్రం నుంచి మేకింగ్ వీడియోను చిత్ర బృందం రిలీజ్ చేసింది. వీడియోలో విక్రమ్ సరికొత్తగా కనిపిస్తున్నాడు. తంగలన్ చిత్రంలో విక్రమ్ ఓ చిన్న తెగ నాయకుడిగా కనిపించనున్నట్లు తెలుస్తోంది.
మేకింగ్ వీడియోలో ప్రారంభ కొన్ని షాట్ల తర్వాత విక్రమ్ పాత్ర కనిపించడం చూడవచ్చు. విక్రమ్ క్యారెక్టర్ కోసం రెడీ అవుతున్న క్రమంలో పలు గెటప్ లలో విక్రమ్ కనిపిస్తున్నారు. తంగలన్‌లోని ఈ పాత్ర కోసమే విక్రమ్ శారీరకంగా చాలా హార్డ్ వర్క్ చేసినట్లు తెలుస్తోంది. అతను బరువు కోల్పోవడమే కాకుండా, తన బాడీని కూడా సగం షేవ్‌గా కనిపించేలా చేసుకున్నాడు. మొత్తానికి ఈ వీడియో చూస్తే తంగలన్ చిత్రంపై మరింత ఆసక్తి పెరుగుతుంది.
పా రంజిత్(Pa Ranjith) దర్శకత్వం వహిస్తున్న ఈ చిత్రం ఇప్పటికే షూటింగ్ దాదాపు పూర్తయిందని తెలుస్తోంది. తంగలన్(Thangalaan) కర్ణాటకలోని కోలార్ గోల్డ్ ఫీల్డ్ గనుల మూలాల కథ ఆధారంగా సినిమాను చిత్రీకరించినట్లు తెలిసింది. ఇందులో పార్వతి తిరువోతు, పశుపతి, మాళవిక మోహనన్, హరి కృష్ణన్ కీలక పాత్రలు పోషిస్తున్నారు. ఈ చిత్రానికి స్టూడియో గ్రీన్, నీలం ప్రొడక్షన్స్ నిర్మిస్తున్నాయి. జీవీ ప్రకాష్ ఈ చిత్రానికి సంగీతాన్ని అందిస్తున్నాడు. తమిళ ప్రభ ఈ చిత్రానికి సహ రచయితగా వ్యవహరిస్తుండగా, సెల్వ ఆర్కే, ఎస్ఎస్ మూర్తి ఎడిటింగ్, ఆర్ట్ విభాగాలను నిర్వహించనున్నారు. ఈ చిత్రం పాన్ ఇండియా లెవల్లో తమిళ్, తెలుగు, మలయాళం, కన్నడ, హిందీ భాషల్లో విడుదల కానుంది.
చదవండి: Ram Charan: మరో మూవీలో కూడా రామ్ చరణ్ డ్యూయెల్ రోల్!
