అచ్చ తెలుగు బ్యూటీ బిందు మాధవి(Bindu Madhavi) హీరోయిన్ గా కెరీర్ మొదలుపెట్టి చాలాకాలమే అయింది. అయితే తెలుగు కంటే తమిళ్ లో ఎక్కువ స్టార్డమ్ తెచ్చుకున్న బిందు రీసెంట్ గా బిగ్ బాస్ షో ద్వారా మరోసారి తెలుగు ప్రేక్షకులకు దగ్గరయింది. మంచి డేర్ అండ్ డ్యాష్ గా మాట్లాడి ఎంతో మంది అభిమానులను సంపాదించుకుంది. అంతేకాదు ఈ క్రమంలో మళ్లీ సినిమాల్లోనూ బిజీ అవుతోంది. రీసెంట్ గా తాను నటించిన యాంగర్ టేల్స్ అనే సిరీస్ కు అద్భుతమైన అప్లాజ్ వచ్చింది. ప్రధానంగా ఈ సిరీస్ లో బిందు మాధవి నటించిన కథ, తన నటనకు విపరీతమైన ప్రశంసలు వచ్చాయి. ఈ క్రమంలో బిందులో ఎంత గొప్ప నటి ఉంది అన్న విషయం ఈ అమ్మడు మరోసారి నిరూపించింది. దీంతోపాటు గ్లామర్ రోల్స్ లోనూ ఇప్పటికే సత్తా చాటిన బిందు సెకండ్ ఇన్నింగ్స్ కు ఈ సిరీస్ ఊతం ఇచ్చిందనే చెప్పాలి.
ప్రస్తుతం బిందు మాధవి ఏకంగా నాలుగు వెబ్ సిరీస్ లతో పాటు ఓ సినిమాలో కూడా హీరోయిన్ గా నటిస్తోంది. మరో రెండు మూడు సినిమాలు కూడా చర్చల దశలో ఉన్నాయని తెలుస్తోంది. ఇలా వరుసగా వస్తోన్న అవకాశాలను మరింత పెంచుకునేందుకు తాజాగా ఓ ఫోటో షూట్ కూడా చేసింది. ఈ ఫోటో షూట్ లో తాను స్టైలిష్ లుక్స్ తో ఆల్ట్రా మోడ్రన్ గా కనిపిస్తోంది.
ఆ ఫొటోల్లో తన కురులను ముందుకు వదిలేసి కొంటె చూపులతో క్రేజీగా కనిపిస్తుంది. ఒక చిత్రంలో నడుముపై చేతులు పెట్టుకోగా, ఇంకో చిత్రంలో తన కురలను జరుపుతూ కనిపిస్తుంది. ఈ చిత్రాలను చూస్తుంటే కేవలం తెలుగు మాత్రమే కాదు.. మళ్లీ తమిళ్ పరిశ్రమపై దృష్టి పెట్టేలా తన ఫోకస్ పెంచినట్లు అనిపిస్తోంది. దీంతో ఈ సెకండ్ ఇన్నింగ్స్ లో బిందు మాధవి తెలుగులో మరింత స్టార్డమ్ తెచ్చుకుంటుందని సినీ వర్గాలు అంటున్నాయి. దీన్ని బట్టి చూస్తే బిందు మాధవి మరింత దూకుడుగా వ్యవహరించి మరిన్న అవకాశాలు ఈ పిల్ల అందిపుచ్చుకునే అవకాశం ఉంది.
