KDP: ఖాజీపేటలోని ఎంపీడీవో కార్యాలయ సభా భవనంలో రేపు మండల సర్వసభ్య సమావేశ కార్యక్రమం నిర్వహిస్తున్నట్లు ఎంపీడీవో దివిజ సంపతి ఇవాళ తెలిపారు. ఈ సమావేశ కార్యక్రమానికి ప్రభుత్వ శాఖల అధికారులు అందరూ తమ పూర్తి నివేదికలతో సమావేశానికి తప్పక రావలసి ఉంటుందన్నారు. ఎంపీటీసీ సభ్యులు, ప్రత్యేక అధికారులు తప్పక హాజరు కావాలన్నారు.
ASR: పెదబయలు మండలం ఇంజరి పంచాయతీ ఎర్రబయలు గ్రామంలో గిరిజనులు 2019 నుంచి తీవ్ర తాగునీటి సమస్యను ఎదుర్కొంటున్నారు. సాగునీటి కాలువలలోని కలుషిత నీటిని తాగుతూ అనారోగ్యాలకు గురవుతున్నామని గ్రామస్తులు ఆవేదన వ్యక్తం చేశారు. ప్రభుత్వం బోర్వెల్ మంజూరు చేసినప్పటికీ RWS అధికారులు పనులు చేపట్టకుండా నిర్లక్ష్యం చేస్తున్నారని ఆరోపించారు.
PPM: కురుపాం MPDO కార్యాలయం వద్ద APD శ్రీహరి ఆధ్వర్యంలో ఇవాళ ఉపాధి హామీ పథకం కింద గత ఏడాదిలో నిర్వహించిన పనులపై సామాజిక తనిఖీ నిర్వహించారు. ఉపాధి పనుల అమలు, నిధుల వినియోగం, కార్మికులకు చెల్లింపులు వంటి అంశాలను సమగ్రంగా పరిశీలించారు. అనంతరం గ్రామాల్లో చేపట్టిన పనుల నాణ్యత, పనిదినాల నమోదు, మస్టర్ రోల్స్, కార్మికులకు అందిన వేతనాల వివరాలను పరిశీలించారు.
PLD: క్రోసూరు మండలంలో ముఖ్యమంత్రి సహాయ నిధి ద్వారా మంజూరైన చెక్కులను పెదకూరపాడు ఎమ్మెల్యే భాష్యం ప్రవీణ్ మంగళవారం లబ్ధిదారులకు పంపిణీ చేశారు. మొత్తం 14 మందికి రూ.1,07,45,000 విలువైన చెక్కులను అందజేశారు. ఈ సందర్భంగా ఎమ్మెల్యే మాట్లాడుతూ.. పేదల ఆరోగ్య రక్షణకు ముఖ్యమంత్రి సహాయ నిధి ఎంతో దోహదపడుతోందన్నారు.
KDP: లింగాల మండలం దిగువపల్లె, కోమన్నూతల గ్రామాల్లో పారిశుధ్యం అధ్వానంగా తయారైంది. గ్రామాల ప్రధాన రహదారుల రోడ్లకు ఇరువైపులా ఉన్న డ్రైనేజీ కాలువలో చెత్తాచెదారాలు పేరుకుపోవడంతో రోడ్లపై మురుగునీరు ఉంటోంది. గ్రామాల్లో దుర్గంధం వెదజల్లడంతో నిల్వ చేరి ప్రజలు తీవ్ర ఇబ్బందులు పడుతున్నారు. గ్రీన్ అంబాసిడర్లు ఉన్నప్పటికీ ఎటువంటి ప్రయోజనం లేదు.
VZM: ప్రపంచ ఆరోగ్య దినోత్సోవం సందర్భంగా ఇవాళ స్దానిక 42వ డివిజన్ అయ్యన్నపేట మున్సిపల్ నడక మైదానంలో ఆంజనీపుత్ర చిరంజీవి వాకర్స్ క్లబ్ ఆధ్వర్యంలో అవగాహన కార్యక్రమం నిర్వహించారు. ఈ కార్యక్రమంలో ముఖ్య అతిథిగా పాల్గొన్న మాజీ ఎంపీ డా.డివిజి శంకరరావు మాట్లాడుతూ.. రోజు నడక, యోగ, తదితర శారీరక వ్యాయామం చేస్తూ ఆరోగ్యం కాపాడుకోవాలని స్థానికులకు సూచించారు.
కోనసీమ: భక్తుల సౌకర్యార్థం ఏపీఎస్ ఆర్టీసీ రావులపాలెం డిపో నుంచి కర్ణాటక, మైసూర్ ఎనిమిది రోజుల పుణ్యక్షేత్ర యాత్రకు ప్రత్యేక సూపర్ లగ్జరీ బస్సు ఏర్పాటు చేసినట్లు డిపో మేనేజర్ వై.వి.వి.ఎన్. కుమార్ తెలిపారు. ఈ బస్సు ఈ నెల 25వ తేదీ మధ్యాహం రావులపాలెం నుంచి బయలుదేరుతుందన్నారు. ఈ సూపర్ లగ్జరీ బస్సుకు అడ్వాన్స్ రిజర్వేషన్ కల్పిస్తున్నట్లు పేర్కొన్నారు.
కాకినాడ రూరల్ వలసపాకలలో అక్రమంగా తరలిస్తున్న రేషన్ బియ్యాన్ని మంగళవారం స్థానికులు పట్టుకున్నారు. పట్టపగలే పీడీఎస్ బియ్యాన్ని తరలిస్తున్నా పౌరసరఫరాల శాఖ పట్టించుకోవట్లేదని గ్రామస్థులు ఆరోపిస్తున్నారు. వారే వాహనాన్ని అడ్డుకుని పోలీసులకు సమాచారం ఇచ్చారు. సర్పవరం పోలీసులు వాహనాన్ని స్టేషన్కు తరలించి దర్యాప్తు చేస్తున్నారు. పూర్తి వివరాలు తెలియాల్సి ఉంది.
ELR: చింతలపూడి అర్బన్ హెల్త్ సెంటర్లో వైద్య ఆరోగ్య శాఖ ఆధ్వర్యంలో ఇవాళ ర్యాలీని నిర్వహించారు. ఈ కార్యక్రమంలో స్థానిక ఎమ్మెల్యే సొంగ రోషన్ కుమార్ హాజరయ్యారు. ప్రజారోగ్య పరిరక్షణకు అందరూ సమిష్టిగా పనిచేయాలని, సామాజిక బాధ్యతతో పరిసరాల పరిశుభ్రత పాటించాలని ఎమ్మెల్యే కోరారు. కూటమి ప్రభుత్వంలో PHCల అభివృద్ధికి కృషి చేస్తున్నామన్నారు.
KKD: కాకినాడ కమిషనర్ ఎన్.వి.వి సత్య నారాయణ మంగళవారం కచేరిపేట, వేంకటేశ్వరనగర్, పాత బస్టాండ్ ప్రాంతాలలో పర్యటించారు. పారిశుద్ధ్యం పనులను తనిఖీ చేసిన ఆయన, కార్మికుల హాజరు రిజిస్టర్లను పరిశీలించారు. శానిటేషన్ విషయంలో రాజీ పడవద్దని సిబ్బందిని ఆదేశించారు. స్థానికులను కలిసి సమస్యలు అడిగి తెలుసుకున్నారు. పారిశుద్ధ్యం మెరుగుపరచాలని అధికారులకు సూచించారు.
KRNL: ప్రపంచ ఆరోగ్య దినోత్సవాన్ని పురస్కరించుకుని ఇవాళ జిల్లా వైద్య ఆరోగ్యశాఖ ఆధ్వర్యంలో ర్యాలీ నిర్వహించారు. కార్యక్రమాన్ని అధికారి కామేశ్వర్ ప్రసాద్ ప్రారంభించారు. యోగా, వ్యాయామంతో ఆరోగ్యాన్ని కాపాడుకోవాలని సూచించారు. వ్యక్తిగత పరిశుభ్రతతో వ్యాధులను నివారించవచ్చని తెలిపారు. కార్యక్రమంలో సిబ్బంది, విద్యార్థులు పాల్గొన్నారు.
కోనసీమ: ఆరోగ్యాన్ని పరిరక్షించుకోవడం ద్వారా మెరుగైన సమాజం సాధ్యమని రాష్ట్ర కార్మిక శాఖ మంత్రి వాసంశెట్టి సుభాష్ మంగళవారం పేర్కొన్నారు. ప్రపంచ ఆరోగ్య దినోత్సవం సందర్భంగా రాష్ట్ర ప్రజలకు మంత్రి వాసంశెట్టి సుభాష్ శుభాకాంక్షలు తెలిపారు. ఆరోగ్యాన్ని మించిన సంపద మరొకటి లేదని, ప్రతి వ్యక్తి తన ఆరోగ్యంపై ప్రత్యేక శ్రద్ధ పెట్టాలని ఆయన సూచించారు.
KDP: పులివెందులలోని స్థానిక కళ్యాణ మండపంలో రేపు ఉదయం 9 గంటలకు మాజీ కౌన్సిలర్లు, మాజీ సర్పంచులకు ఆత్మీయ సన్మాన కార్యక్రమం నిర్వహించినట్లు ఎంపీ అవినాష్ రెడ్డి తెలిపారు. ఇవాళ ఆయన మాట్లాడుతూ.. ఇటీవల కౌన్సిలర్లు, సర్పంచుల పదవీకాలం ముగియడంతో వారి అమూల్యమైన సేవలకు గుర్తింపుగా ఈ కార్యక్రమం ఏర్పాటు చేశామన్నారు.
ASR: డుంబ్రిగూడ మండలం ఉజ్జంగి–సిరసాగూడ మధ్య నిర్మాణంలో ఉన్న బీటీ రోడ్డులో మలుపు ప్రమాదకరంగా ఉందని సర్పంచ్ కిముడు హరి తెలిపారు. ఇటీవల ఒక వాహనం మలుపు వద్ద లోయలో పడిన ఘటన జరిగినట్లు చెప్పారు. రోడ్డు పనుల్లో నాణ్యత ప్రమాణాలు పాటించి ప్రమాదాలు నివారించేలా చర్యలు తీసుకోవాలని కోరారు. పనులు పూర్తికాకముందే మలుపుపై ప్రత్యేక దృష్టి సారించాలని ఆయన కోరారు.
నంద్యాల పట్టణంలోని నూనెపల్లె గెలివి వే బ్రిడ్జి వద్ద ఇవాళ ఆటో ప్రమాదవశాత్తు కాలువలో పడింది. ఈ ఘటనలో ఆటోలో ఉన్న పలువురు గాయపడ్డారు. స్థానికులు వెంటనే స్పందించి బాధితులను బయటకు తీసి ప్రభుత్వ ఆసుపత్రికి తరలించారు. ప్రమాదానికి కారణాలు ఇంకా తెలియాల్సి ఉంది.
