టీడీపీ (TDP) అధినేత చంద్రబాబు అరెస్ట్‌ (Chandrababu Arrest)తో ఏపీ రాజకీయాలు మరింత హీటెక్కాయి. స్కిల్ డెవలప్‌మెంట్ స్కామ్ కేసులో చంద్రబాబు రాజమండ్రి సెంట్రల్ జైలులో ఉన్న సంగతి తెలిసిందే. చంద్రబాబు అరెస్ట్‌కు వ్యతిరేకంగా జనసేన అధినేత పవన్ కళ్యాణ్ (Pawan Kalyan) పోరాటం చేశారు. టీడీపీ నేతలు నారా లోకేష్ (Nara Lokesh), బాలకృష్ణతో కలిసి చంద్రబాబుతో మాట్లాడారు.
చదవండి: CJI: సుప్రీంకోర్టు మెట్లెక్కిన చంద్రబాబు.. రేపు విచారణ జరిగే అవకాశం..?
చంద్రబాబు అరెస్ట్‌కు ముందు విశాఖలో రిషికొండ (Rishikonda) వద్ద ఏపీ సర్కార్ నిర్మిస్తున్న భవణాలను పవన్ పరిశీలించారు. పోలీసులు అడ్డుపడినా కూడా జనసైనికులతో కలిసి ర్యాలీ నిర్వహించారు. అయితే ఇప్పటి వరకూ మూడు పర్యాయాలు జనసేన వారాహి విజయయాత్రను పవన్ చేపట్టారు. ఏపీలోని రాజకీయ పరిస్థితులు, సినిమాల నిర్మాణం వల్ల ఆ యాత్రకు ప్రస్తుతం బ్రేక్ ఇచ్చారు.
చదవండి: Perni Nani : పేర్ని నాని వింత ప్రవర్తన..అవాక్కయిన అర్చకులు
తాజాగా పవన్ కళ్యాణ్ (Pawan Kalyan) నాలుగో విడత వారాహి విజయయాత్ర (Varahi Vijaya Yatra)ను చేపట్టేందుకు సిద్ధమయ్యారు. అక్టోబర్ 1వ తేది నుంచి వారాహి విజయయాత్ర ప్రారంభం కానున్నట్లు జనసేన పార్టీ రాజకీయ వ్యవహారాల కమిటీ ఛైర్మన్ నాదెండ్ల మనోహల్ ప్రకటించారు. ఈ యాత్ర కృష్ణా జిల్లా అవనిగడ్డ నుంచి ప్రారంభం కానుందని, షెడ్యూల్ కూడా ఖరారైందని నాదెండ్ల మనోహర్ తెలిపారు.
చదవండి: JC Prabhakar Reddy ఇంటిని చుట్టుముట్టిన పోలీసులు.. ఎందుకంటే..?
మరో ఐదు రోజుల్లో వారాహి విజయ యాత్ర ప్రారంభం కానున్న నేపథ్యంలో సోమవారం మధ్యాహ్నం ఉమ్మడి కృష్ణా జిల్లా ముఖ్య నాయకులతో నాదెండ్ల మనోహర్ (Nadendla manohar) టెలికాన్ఫరెన్స్ నిర్వహించి పలు విషయాలను చర్చించారు. అవనిగడ్డలో మొదలయ్యే ఆ యాత్ర మచిలీపట్నం, పెడన, కైకలూరు నియోజకవర్గాల మీదుగా సాగుతుందని, జనసేన సైనికులంతా ఈ యాత్రను విజయవంతం చేయాలని ఆయన తెలిపారు.
