ntrs-tweet-on-tdps-victory-went-viral
NTR: ఏపీలో టీడీపీ-జనసేన-బీజేపీ కూటమి విజయం ఏ స్థాయిలో సాధించిందో అందిరికీ తెలిసిందే. దిగ్గజం అనుకున్న వైసీపీని కేవలం 11 సీట్లకే పరిమితం చేసి కూటమి 164 అసెంబ్లీ స్థానాలు పొందింది. అందులోనూ 144 స్థానాల్లో పోటీచేసిన టీడీపీ ఏకంగా 135 స్థానాల్లో విజయం సాధించింది. కేవలం 9 చోట్ల మాత్రమే ఓడిపోయింది. 21 స్థానాల్లో పోటీచేసిన జనసేన వందశాతం గెలిచింది. ఇది దేశంలో ఓ చరిత్రగా చెప్పుకోవచ్చు. అలాగే 10 స్థానాల్లో పోటీ చేసిన బీజేపీ 8 స్థానాల్లో విజయం పొందింది. వీటితో పాటు 16 ఎంపీ స్థానల్లో టీడీపీ, 2 ఎంపీ స్థానాల్లో జనసేన 3 స్థానాల్లో బీజేపీ విజయం సాధించింది. ఈ నేపథ్యంలో సినిమా సెలబ్రెటీలు కూటమికి శుభాకాంక్షలు తెలుపుతున్నారు. ఈ విజయంపై జూనియర్ ఎన్టీఆర్ సైతం విషేస్ చెప్పారు. అయితే ఆయన తెలిపిన శుభాకాంక్షల్లో ఈసారి ఆప్యాయత కనిపించడంతో ఆ ట్వీట్ నెట్టింట్లో తెగ వైరల్ అవుతుంది.
చదవండి:Revanth Reddy: హరీష్ రావు బీజేపీని దగ్గరుండి గెలిపించారు.
“ప్రియమైన నారా చంద్రబాబు మామయ్యకి… ఈ చారిత్రాత్మక విజయాన్ని సాధించినందుకు నా హృదయపూర్వక శుభాకాంక్షలు.. మీ విజయం ఏపీ రాష్ట్రాన్ని అభివృద్ధి పథం వైపు నడిపిస్తుందని ఆశిస్తున్నాను. అద్భుతమైన మెజారిటీతో గెలిచిన నారా లోకేశ్‌కి, మూడోసారి గెలిచిన బాలకృష్ణ బాబాయికి, ఎంపీలుగా గెలిచిన శ్రీభరత్‌కు, పురందేశ్వరి అత్తకి హృదయపూర్వక శుభాకాంక్షలు అని పోస్టు చేశారు. దీనిని జత చేస్తూ జనసేనాని పవన్ కల్యాణ్‌కు శుభాకాంక్షలు చెబుతూ పోస్ట్ చేశారు. ఇంతటి ఘన విజయం సాధించిన పవన్ కల్యాణ్ కు నా హృదయపూర్వక శుభాకాంక్షలు అని పేర్కొన్నారు. ప్రస్తుతం ఈ పోస్ట్ వైరల్ అవుతుంది.
అలాగే ఇంతటి ఘనవిజయం సాధించిన @PawanKalyan గారికి కూడా నా హృదయపూర్వక శుభాకాంక్షలు.
— Jr NTR (@tarak9999) June 5, 2024
