జనసేన అధినేత పవన్ కళ్యాణ్ వచ్చే ఎన్నికల విషయంలో చురుకుగా ప్రవర్తిస్తున్నారు. ఎలాగైనా వచ్చే ఎన్నికల్లో తమ పార్టీ సత్తా చాటాలని ఆయన నిర్ణయం తీసుకున్నారు. ఈ క్రమంలో.. పార్టీ లో కీలక వ్యక్తులకు ముఖ్యమైన పదవులు అప్పగిస్తున్నారు. ఇటీవల తన సోదరుడు నాగబాబుకి పార్టీ ప్రధాన కార్యదర్శి పదవిని కేటాయించారు. ఈ సందర్భంగా నాగబాబు(Naga babu).. తన తమ్ముడు పవన్ కళ్యాణ్ కి కృతజ్ఞతలు తెలియజేశారు. పదవుల కోసం ఎప్పుడూ ఆలోచించలేదని, పార్టీ కోసం తాను ఏం చేయగలనన్నదాని గురించే ఆలోచించానని నాగబాబు వివరించారు.
తాజా నియామకం అనంతరం మరింత బాధ్యతగా పనిచేయాల్సి ఉంటుందని తెలిపారు. ప్రధాన కార్యదర్శి అనేది ఒక పదవిలా భావించడంలేదని, ఇది ఒక బాధ్యత అనుకుంటున్నానని అన్నారు. 2024 ఎన్నికల్లో విజయమే లక్ష్యంగా పార్టీ(Janasena party) కోసం పాటుపడతానని ఉద్ఘాటించారు. పార్టీలో చిన్న చిన్న విభేదాలను పరిష్కరించుకోవడంపై చొరవ చూపిస్తాని నాగబాబు పేర్కొన్నారు.
పవన్ కల్యాణ్ సిద్ధాంతాలను, భావజాలాన్ని, ఆయన త్యాగనిరతిని ప్రజల్లోకి మరింత బలంగా తీసుకెళ్లాల్సిన బాధ్యత తనపై ఉందని భావిస్తున్నానని వివరించారు. పవన్ కల్యాణ్(pawan kalyan) వంటి మంచి వ్యక్తిని మనం ఎన్నుకోవాలి అని ప్రజలను చైతన్యవంతులను చేసే దిశగా కృషి చేస్తానని వెల్లడించారు. ఈ క్రమంలో మరింత ఎక్కువగా జనసైనికులు, వీరమహిళలను కలుస్తుంటానని, తనను ఎవరైనా కలవొచ్చని సూచించారు.
ఇది కూడా చూడండి: JD Lakshminarayana: వైజాగ్ స్టీల్ ప్లాంట్ కోసం రూ.100 ఇవ్వండి..ప్లాంట్ మనకే!
