Jagan will not be CM by birth.. MLA Mekapati Chandrasekhar
Mekapati Chandrasekhar: జగన్‌ను గెలిపించి ఆంధ్రప్రదేశ్ ప్రజలు తప్పు చేశారని నెల్లూరు జిల్లా ఉదయగిరి వైసీపీ ఎమ్మెల్యే మేకపాటి చంద్రశేఖర్‌రెడ్డి (Mekapati Chandra Sekhar Reddy) పేర్కొన్నారు. కడపలో మాజీ మంత్రి వీరారెడ్డి వర్ధంతిలో పాల్గొన్న ఆయన సీఎం జగన్‌ను ఉద్దేశించి పలు ఆరోపణలు చేశారు.
చదవండి:Prudhvi Raj: వైసీపీపై కీలక వ్యాఖ్యలు చేసిన నటుడు పృథ్వీ!
తాను నాలుగు సార్లు ఎమ్మెల్యేగా గెలిచానని, ఇప్పటి వరకు తన గ్రాఫ్ చెక్కుచెదరలేదని పేర్కొన్నారు. అలాంటిది తన గ్రాఫ్ బాగాలేదంటూ సీఎం జగన్ ఆయన్ను కించపరిచారన్నారు. తన సొంత నియోజకవర్గం అయిన ఉదయగిరిలో డబ్బు తీసుకుంటున్నానని జగన్ ఆరోపించారు. వైసీపీ పార్టీ పెట్టిన నాటి నుంచి పార్టీ బలోపేతానికి ఎంతో శ్రామించినట్లు వెల్లడించారు. అయినా ఉదయగిరిలో సంపాదించడానికి ఏముందని ప్రశ్నించారు. నిరాధారమైన ఆరోపణలతో తనకు టికెట్ ఇవ్వకుండా వేరెవరికో అమ్ముకున్నారని ఆరోపించారు. అనాలోచిత నిర్ణయాలతో రాష్ట్రాన్ని జగన్ సర్వనాశనం చేశారని వెల్లడించారు. జగన్ చుట్టూ ఉండేవారు, సలహాదారులు అందరూ దోచుకునేవాళ్లని అన్నారు. వైఎస్‌కు ఉన్న గుణాలేవీ జగన్‌కు రాలేదని. ఏపీలో అక్రమ కేసులు, అన్యాయాలను ఇక భరించలేమని పేర్కొన్నారు. జగన్ ఇక జన్మలో ముఖ్యమంత్రి కాలేరన్నారు.
చదవండి:Andhrapradesh: త్వరలోనే ఆ పార్టీలో చేరనున్న ముద్రగడ!
