ప్రముఖ సింగర్, హాంకాంగ్‌కు చెందిన గాయని కోకో లీ(Singer Coco Lee) కన్నుమూశారు. గత కొంత కాలంగా ఆమె డిప్రెషన్‌తో బాధపడుతున్నారు. ఈ నేపథ్యంలో రెండు రోజుల క్రితం ఆమె ఆత్మహత్యాయత్నం చేశారు. కుటుంబీకులు ఆమెను ఆస్పత్రికి తరలించారు. అక్కడే ఆమె చికిత్స పొందుతూ నేడు మరణించారు. ఈ విషయాన్ని ఆమె కుటుంబీకులు సోషల్ మీడియా ద్వారా తెలియజేశారు.
చదవండి: Salaar Teaser: దుమ్ము లేపిన సలార్ టీజర్..పండగ చేసుకుంటున్న ప్రభాస్ ఫ్యాన్స్‌
గాయని కోకో లీ(Singer Coco Lee) గతంలో ఆస్కార్‌కు నామినేట్ అయ్యారు. హిడెన్ డ్రాగన్ సినిమాలోని ఎ లవ్ బిఫోర్ టైమ్ అనే సాంగ్ పాడారు. ఆ పాట ఉత్తమ ఒరిజినల్ సాంగ్ కేటగిరిలో ఆస్కార్‌కు నామినేట్ అయ్యింది. అంతేకాకుండా అవార్డుల ప్రధానోత్సవంలో కోకో లీ ప్రదర్శన ఇచ్చారు. ఈ రకంగా ఆమె ప్రదర్శన ఇచ్చిన తొలి చైనీస్ అమెరికన్‌గా నిలిచిపోయారు.
చదవండి: Samajavaragamana Movie: ‘సామజవరగమన’ మూవీ సక్సెస్ మీట్‌ గ్యాలరీ
గత కొంత కాలంగా ఆమె డిప్రెషన్‌తో బాధపడటం వల్ల ఆత్మహత్యకు ప్రయత్నించిందని ఆమె సోదరి కరోల్, నాన్సీలు తెలిపారు. చనిపోయేంత వరకూ సింగర్ కోకో లీ(Singer Coco Lee) కోమాలోనే ఉందని వారు వెల్లడించారు. కోకో లీ మొదట ఆసియాలో పాప్ సింగర్‌గా తన కెరీర్ మొదలుపెట్టారు. 1996లో సోనీ మ్యూజిక్‌తో ఒప్పందం కుదుర్చుకున్న తొలి చైనీస్ గాయనిగా ఆమె రికార్డుకెక్కారు. ఆమె చేసిన కోకో లీ ఆల్బమ్ ఆసియాలోనే అత్యధికంగా అమ్ముడైన ఆల్బమ్‌గా నిలిచిపోయింది.
