ధన్విక్ క్రియేషన్స్ సమర్పణలో స్నేహాలయం క్రియేషన్స్ పతాకంపై ఆర్.కె.గాంధీ దర్శకత్వంలో ‘ఆగస్టు 6 రాత్రి’ అనే మూవీ(‘August 6 Ratri’ Movie) రూపొందుతోంది. ఈ మూవీని బి.సుధాకర్, కంభం దినేష్ కుమార్ రెడ్డి సంయుక్తంగా నిర్మిస్తున్నారు. సరికొత్త కథాంశంతో ఈ మూవీ తెరకెక్కుతోంది. తాజాగా ఈ మూవీ రెండో షెడ్యూల్‌ను విజయవంతంగా పూర్తి చేసుకుంది. అజయ్ రాహుల్, దుర్గాప్రియ, పవన్ వర్మ, సుప్రితా రాజ్, నాగమహేశ్, ధీరజ అప్పాజి, మునిచంద్ర, పద్మారెడ్డి, బక్తరపల్లి రవి, రాయదుర్గం రాజేశ్, మణి సాయి తేజ, ఆనంద్ మట్ట, శ్రీని రావ్, వినోద్ కుమార్ తదితరులు ఈ మూవీలో నటిస్తున్నారు.
చదవండి: Pawan Kalyan: ఆగిపోనున్న పవన్ సినిమాలు..షాక్‌లో దర్శక నిర్మాతలు
‘ఆగస్ట్ 6 రాత్రి’ సినిమా(‘August 6 Ratri’ Movie) క్రైం థ్రిల్లర్ కథాంశంతో రూపొందుతోంది. ఇందులో అద్భుతమైన లవ్ స్టోరీ ఉందని మేకర్స్ తెలిపారు. కర్ణాటకలోని హొసకోట సమీపంలో భక్తరపల్లి పరిసరాల్లో మూడు రోజులపాటు ఈ సినిమా షూటింగ్ జరిగింది. తాజాగా ఆఖరి షెడ్యూల్ హైదరాబాద్‌లో జరగనున్నట్లు మేకర్స్ తెలిపారు. బెంగళూరు, నెల్లూరు, అనంతపురం, హైదరాబాద్ లలో కేవలం 6 రోజుల్లో ఆగస్ట్ 6 రాత్రి సినిమా షూటింగ్ కంప్లీట్ చేసినట్లు చిత్ర యూనిట్ తెలిపింది.
చదవండి: Turkey:లో సమంత బిజీ బిజీ.. ఏం చేస్తోందో తెలుసా?
ఈ సందర్భంగా దర్శకుడు ఆర్.కె.గాంధీ మాట్లాడుతూ..ఇప్పటికి 5 రోజులు షూటింగ్ పూర్తి చేసుకున్నామని, ఇక బ్యాలెన్స్ ఉన్న ఉదయభాను, సుమన్, నాగమహేశ్, మునిచంద్ర సీన్లు ఒకరోజులో చేయనున్నట్లు తెలిపారు. ఎం నాగేంద్రకుమార్ ఛాయాగ్రహణం, డి మల్లి సంకలనం, ఎంఎల్ రాజ సంగీతం అందించారు. ఈ చిత్రానికి పి.ఆర్ ఓ ధీరజ్- అప్పాజీ. త్వరలోనే సినిమా విడుదల తేదీని ప్రకటిస్తామని మేకర్స్ తెలిపారు.
