పౌరాణిక క‌థాంశంతో తెరకెక్కిన ఈ సినిమాకి గుణశేఖర్ దర్శకత్వం వహించారు. దాదాపు అర‌వై కోట్ల బ‌డ్జెట్‌తో రూపొందిన ఈ సినిమా ఇర‌వై కోట్ల‌లోపే వ‌సూళ్ల‌ను రాబ‌ట్టలేదని తెలుస్తోంది. ఈ సినిమాతో నిర్మాత‌ల‌తో పాటు డిస్ట్రిబ్యూట‌ర్ల‌కు తీవ్రంగా న‌ష్టపోయారు. సినిమా ప్రమెషన్స్ సమయంలో తన ఆరోగ్యాన్ని పక్కన పెట్టి మరీ సమంత తన వంతు ప్రయత్నం చేసింది. కానీ ఫలితం దక్కలేదు. ఇక సినిమాలో ఏదైనా పాజిటివ్ పాయింట్ ఉంది అంటే.. అల్లు అర్హ. అల్లు అర్జున్ ముద్దుల తనయ అర్హ నటనకు మాత్రం అందరూ ఫిదా అయిపోయారు.
చదవండి: Nandamuri Balakrishna: పాట పాడిన బాలకృష్ణ..చప్పట్లతో దద్దరిల్లిన స్టేజ్
భరతుడి పాత్రలో చాలా బాగా నటించింది. అయితే.. అర్హ కనిపించే నిడివి చాలా తక్కువ. కనీసం అర్హ పాత్ర కాస్త ఎక్కువగా ఉన్నా, తనకోసం చూసే వారి సంఖ్య అయినా పెరిగి ఉండేది అనే అభిప్రాయాలు కూడా వ్యక్తమయ్యాయి. కాళిదాసు రాసిన అభిజ్ఞాన శాకుంతలం ఆధారంగా గుణశేఖర్ ఈ సినిమాను తెర‌కెక్కించారు. ఇందులో శ‌కుంత‌ల పాత్రలో సమంత న‌టించ‌గా దుష్యంతుడిగా దేవ్‌మోహ‌న్ క‌నిపించాడు. మోహ‌న్‌బాబు, అన‌న్య నాగ‌ళ్ల, స‌చిన్ ఖేడ్క‌ర్‌, గౌత‌మ్‌, మ‌ధుబాల కీల‌క పాత్ర‌ల‌ను పోషించారు. ఈ సినిమాను గుణశేఖర్ తనయ నీలిమ గుణ‌తో క‌లిసి దిల్‌రాజు నిర్మించాడు.
