రెండేళ్ల క్రితం అజయ్ దేవగన్ ముంబైలోని జుహులో 474.4 చదరపు మీటర్ల విస్తీర్ణంలో రూ.47.5 కోట్లతో ఇంటిని కొనుగోలు చేశాడు. మొత్తం 13,293 చదరపు అడుగుల విస్తీర్ణంలో కార్యాలయ యూనిట్లు వీర దేశాయ్ రోడ్డు వెంబడి సిగ్నేచర్ బిల్డింగ్, ఓషివారాలో ఉన్నాయి. 16వ అంతస్తులో ఉన్న మూడు యూనిట్ల విలువ రూ.30.35 కోట్లు కాగా, స్టాంప్ డ్యూటీ రూ.1.82 కోట్లు చెల్లించినట్లు నివేదిక పేర్కొంది. నటుడు కొనుగోలు చేసిన మరో రెండు యూనిట్లు 17వ అంతస్తులో ఉన్నాయి. ఈ యూనిట్ల ధర రూ.14.74 కోట్లు.
చదవండి: Pawan kalyan: పవన్ మూడో భార్యకు విడాకులు..క్లారిటీ ఇస్తూ జనసేన ట్వీట్
కొద్ది రోజుల క్రితం అతని భార్య కాజోల్ దేవగన్ కూడా నగరంలో 2,493 చదరపు అడుగుల విస్తీర్ణం, నాలుగు కార్ పార్కింగ్ స్పాట్‌లతో కూడిన అపార్ట్‌మెంట్‌ను రూ. 16.5 కోట్ల రూపాయలకు కొనుగోలు చేశారు. అయితే, ఈ ఆఫీసు మాత్రం ఆయన వ్యాపార కోణంలో కొనుగోలు చేసినట్లు తెలుస్తోంది. ఇదిలా ఉండగా, అజయ్ దేవగన్ ఇటీవల యాక్షన్ మూవీ ‘భోలా’లో కనిపించాడు, ఇందులో టబు కూడా నటించింది. మార్చిలో విడుదలైన ఈ సినిమా బాక్సాఫీస్ వద్ద పెద్దగా వసూళ్లు రాబట్టలేకపోయింది. అతని రాబోయే చిత్రాలలో చాలా కాలంగా ఆలస్యమైన స్పోర్ట్స్ డ్రామా ‘మైదాన్’, ‘ఔరోన్ మే కహన్ దమ్ థా’ సింఘం సీక్వెన్స్ మూవీలు ఉన్నాయి.
