వెబ్ సిరీస్ ధూత కోసం నాగ చైతన్య దాదాపు రూ. 12 కోట్ల రెమ్యూనరేషన్ తీసుకున్నట్లు సమాచారం. ఈ వెబ్ సిరీస్ కోసం టీమ్ లెక్కలేనన్ని ప్రయత్నాలు చేసింది. మేకర్స్ వర్షంలో చాలా రోజులు షూట్ చేశారు. నాణ్యత, బడ్జెట్ పరంగా ఇది అతిపెద్ద తెలుగు వెబ్ సిరీస్ లలో ఒకటి కావడం విశేషం. అందుకే చైతూ కూడా రెమ్యూనరేషన్ గట్టిగా వసూలు చేసినట్లు తెలుస్తోంది.
చదవండి: Dil Raju ఇంట మోగిన పెళ్లి బాజాలు..
నాగ చైతన్య విక్రమ్ కె కుమార్‌ల ధూత గత రాత్రి నుండి అమెజాన్ ప్రైమ్ వీడియోలో తెలుగు, తమిళం, కన్నడ, మలయాళం, హిందీలలో ప్రసారం అవుతోంది. ఇప్పటి వరకు అయితే ఈ వెబ్ సిరీస్ పాజిటివ్ రివ్యూలు అందుకుంది. ఈ లెక్కన వెబ్ సిరీస్ క్లిక్ అయినట్లే అని తెలుస్తోంది. ఒక మంచి ఫామ్ లో ఉన్న హీరో వెబ్ సిరీస్ కి ఓకే చేయడం అంటే మామూలు విషయం కాదు. ఓవైపు థియేటర్ లో దూసుకుపోతూనే, మరోవైపు ఓటీటీలోనూ సత్తా చాటాలని, ఓటీటీ జనాలకు కూడా చేరువ అవ్వాలి అనేది చైతూ ఆలోచన. ఆయన చేసిన ప్రయత్నం ప్రస్తుతం సక్సెస్ అయినట్లు తెలుస్తోంది.
చదవండి: Bigg Boss: టచ్ అండ్ గెస్ ఛాలెంజ్, ఆసక్తి కలిగిస్తోన్న గేమ్
కాగా చైతూతో కలిసి నటించిన పార్వతి తిరువోతుకి ఇది తెలుగులో మొదటి స్క్రీన్ అని చెప్పొచ్చు. ఆమె నటనకు కూడా మంచి మార్కులు పడ్డాయి. ఈ సూపర్‌ నేచురల్ సస్పెన్స్ థ్రిల్లర్‌లో ప్రియా భవానీ శంకర్, ప్రాచీ దేశాయ్ కీలక పాత్రలు పోషించారు. నిష్ణాతులైన సమిష్టి తారాగణం దీనికి అనుబంధంగా ఉంది. కాగా గతంలో నాగ చైతన్య, విక్రమ్ కె కుమార్ ల కాంబినేషన్ లో అక్కినేని ఫ్యామిలీ సినిమా ‘మనం’ వచ్చింది. ఆ సినిమా బ్లాక్ బస్టర్ హిట్ అందుకుంది. ఇప్పుడు ధూత కూడా మంచి టాక్‌ను సొంతం చేసుకుంటోంది.
