కొత్త సినిమాలో శర్వానంద్ సరసన ఉప్పెన బ్యూటీ కృతి శెట్టిని ఎంపిక చేసినట్లు తెలుస్తోంది. ఇప్పటి వరకు వీరిద్దరి కాంబినేషన్ లో ఎలాంటి సినిమా రాలేదు. ఇదే మొదటి సినిమా. కాగా, ఇది శర్వానంద్ 35వ సినిమా. ఈ సినిమాకి బేబీ ఆన్ బోర్డ్ అనే టైటిల్ పెట్టాలి అని మొదటి నుంచి అనుకున్నారు. కానీ, తాజాగా ఈ మూవీ టైటిల్ విషయంలో క్లారిటీ ఇచ్చారు. బేబీ ఆన్ బోర్డ్ కి బదులు ఈ మూవీ కి ‘మనమే’ అనే టైటిల్ పెట్టాలని నిర్ణయం తీసుకోవడం విశేషం. ఈ మూవీలో ఆయన తండ్రి పాత్రలో కనిపిస్తాడనే ప్రచారం జరుగుతోంది.
చదవండి: Ramcharan: ‘గేమ్ చేంజర్’ ట్రోలింగ్‌ నుంచి తప్పించుకునేనా?
చాలా కాలంగా శర్వానంద్, కృతి శెట్టి ఇద్దరూ ప్లాప్ లతో సతమతమౌతున్నారు. మరి, ఈ మూవీతో వీరిద్దరికీ హిట్ లభిస్తుందో లేదో చూడాలి, ఇక, డైరెక్టర్ శ్రీరామ్ ఆదిత్య విషయానికి వస్తే, ఇప్పటి వరకు చాలా సినిమాలు చేశారు. నాగార్జున, నాని లాంటి స్టార్ హీరోలతో దేవ దాస్ సినిమా తీసింది ఈయనే. అదేవిధంగా , శమంతకమణి, భలే మంచి రోజు, హీరో వంటి సినిమాలు చేశారు. అయితే, ఇప్పటి వరకు ఈ సినిమాల్లో ఏదీ కమర్షియల్ హిట్ కాలేదు. అలా అని, మరీ తీసేసే సినిమాలు అయితే కావు. కానీ, అలా అని సూపర్ హిట్ అని కూడా చెప్పలేం. మరి, ఈ మూవీతో ఎలాంటి ఫలితం అందుకుంటాడో చూడాలి.
