huge fire
Fire hazard: బాపట్ల జిల్లాలోని ఓ వస్త్ర పరిశ్రమలో భారీ అగ్ని ప్రమాదం జరిగింది. ఘోర అగ్ని ప్రమాదంలో భారీ ఆస్తి నష్టం జరిగింది. ఇంకొల్లులోని వస్త్ర తయారీ ఫ్యాక్టరీ NSL టెక్స్ టైల్స్‌లో ఈ ప్రమాదం చోటుచేసుకుంది. ఈ ఘటనలో ఫ్యాక్టరీలోని వస్త్రాలతో పాటు మిషనరీలు కాలిబూడిదయ్యాయి. పరిశ్రమలోని ఓ విభాగంలో షార్ట్ సర్క్యూట్ వల్ల మంటలు చెలరేగి ఈ భారీ ప్రమాదం జరిగి ఉంటుందని కార్మికులు అంటున్నారు. ప్రమాదం జరిగే సమయానికి కార్మికులు ఉన్నారు. వాళ్లు వెంటనే అప్రమత్తమై మంటలు ఆర్పే ప్రయత్నం చేశారు. కానీ సాధ్యం కాలేదు.
ఇది కూడా చూడండి: Tirumala Brahmotsavam: నేత్రపర్వంగా శ్రీవారి గరుడ సేవ..పులకించిన భక్తజనం
అగ్నిమాపక సిబ్బందికి తెలుపగా.. వాళ్లు వెంటనే ఘటనా స్థలానికి చేరుకుని మంటలను ఆపే ప్రయత్నం చేశారు. కానీ మంటలను ఆపడానికి చాలా సమయం పట్టింది. అప్పటికే భారీ నష్టం వాటిల్లింది. మొత్తం 20యంత్రాలు ఈ ప్రమాదంలో తగలబడిపోయాయి. సుమారు మూడు వేల టన్నుల దారం బూడిదలో కలిసిపోయింది. అంటే సుమారుగా రూ.400 కోట్లు నష్టం వాటిల్లిందని హెచ్‌ఆర్ అధికారి రత్నం తెలిపారు. ఈ ప్రమాదం జరిగే సమయంలో 200 మందికి పైగా కార్మికులు అక్కడే ఉన్నారు. కానీ ఎటువంటి ప్రాణ నష్టం జరగలేదు. కేవలం ఆస్తి నష్టం మాత్రమే జరిగిందని తెలిపారు.
ఇది కూడా చూడండి: Urvashi Rautela: వైద్యానికి సాయం చేస్తే ఫోన్ ఇస్తానని కండీషన్..షాకైన బాలీవుడ్ బ్యూటీ
