ప్రధాన మంత్రి నరేంద్ర మోదీ నేడు తెలంగాణలోని వివిధ ప్రాంతాల్లో పర్యటించనున్నారు. కర్ణాటకలోని బీదర్ నుంచి మధ్యాహ్నం 2.55 గంటలకు ప్రత్యేక హెలికాప్టర్‌ ద్వారా ఆయన నిజామాబాద్కు చేరుకోనున్నారు. మధ్యాహ్నం 3 గంటలకు పలు అభివృద్ధి కార్యక్రమాలకు ప్రారంభోత్సవం నిర్వహించనున్నారు. మధ్యాహ్నం 3.45 గంటలకు ప్రధాని మోదీ సభా స్థలికి చేరుకుని ప్రజలను ఉద్దేశించి ప్రసంగించనున్నారు.
చదవండి: EarthQuake: అసోం, మేఘాలయాలో భూకంపం
సభ అనంతరం సాయంత్రం 5 గంటలకు హెలికాప్టర్‌లో బీదర్‌కు పీఎం మోదీ తిరుగు ప్రయాణం కానున్నారు. బీదర్ నుంచి ప్రత్యేక విమానంలో ప్రధాని మోదీ ఢిల్లీకి బయల్దేరి వెళ్లనున్నారు. ఈ పర్యటనలో ప్రధాని రూ.8,021 కోట్ల పనులకు శంకుస్థాపన చేయనున్నారు. అలాగే పలు ప్రారంభోత్సవాలు చేపట్టనున్నారు. తెలంగాణలో 20 క్రిటికల్ కేర్ బ్లాకులకు ఆయన శంకుస్థాపన చేయనున్నట్లు తెలిపారు.
చదవండి: Period Leaves: విద్యార్థులకు శుభవార్త..పీరియడ్‌ లీవ్స్‌ ప్రకటించిన యూనివర్శిటి
ఎన్టీపీసీ ఆధ్వర్యంలో కొత్తగా రూ.6 వేల కోట్లతో నిర్మిచిన 800 మెగావాట్ల సూపర్‌ థర్మల్‌ పవర్‌ ప్రాజెక్టు పీఎం మోదీ జాతికి అంకితం చేయనున్నారు. మరోవైపు మనోహరాబాద్- సిద్దిపేట కొత్త రైల్వే లైన్‌ను కూడా ప్రారంభిస్తారు. ధర్మాబాద్-మనోహరాబాద్ కొత్త లైన్‌ విద్యుదీకరణ పనులు, మహబూబ్‌నగర్- కర్నూల్ కొత్త లైన్‌ విద్యుదీకరణ పనులు, సిద్దిపేట నుంచి సికింద్రాబాద్ వరకు కొత్త రైలు సర్వీస్‌ను వర్చువల్‌గా మోదీ ప్రారంభిస్తారు.
