భారత అంతరిక్ష పరిశోధనా సంస్థ అయిన ఇస్రో (ISRO) చంద్రయాన్3 ప్రయోగంతో సక్సెస్ సాధించిన సంగతి తెలిసిందే. ఆ తర్వాత సూర్యుడిపైకి వెల్లేందుకు పలు ప్రయోగాలను చేపట్టనున్నట్లు వెల్లడించింది. అందులో భాగంగా సెప్టెంబర్ 2వ తేదిన ఆదిత్య ఎల్1 మిషన్‌ను చేపట్టింది. ఈ నేపథ్యంలో సూర్యుడి వైపు క్రమంగా వెళ్తోన్న ఈ మిషన్‌కు సంబంధించిన విషయాలను ప్రజలకు తెలియజేస్తూ వస్తోంది.
చదవండి : Mahaganapati : ఖైరతాబాద్ గణేశుడు వద్ద సందడి..మొదలైన తొలి పూజ
తాజాగా ఆదిత్య ఎల్1 (Aditya L1)కు సంబంధించిన కీలక అప్‌డేట్‌ను ఇస్రో అందించింది. ఈ ప్రయోగంలోని పరికరాలు తమ పనిని ప్రారంభించాయని ఇస్రో ట్వీట్ చేసింది. ఈ మిషన్‌లో అమర్చిన సెన్సార్లు తమ పనిని మొదలు పెట్టినట్లు తెలిపింది. సూర్యుడి గుట్టు విప్పేందుకు ఈ మిషయన్ విస్తృత పరిశోధనలు చేయనున్నట్లు వెల్లడించింది.
చదవండి : Landslides : కాంగోలో భారీ వర్షాలు ..కొండచరియలు విరిగిపడి 17 మంది మృతి
ఆదిత్య ఎల్1 మిషన్.. భూమి నుంచి 15 లక్షల కిలోమీటర్ల దూరంలో ఉన్న లాగ్రాంజ్ పాయింట్1 వద్దకు మాత్రమే చేరుకుంటుంది. ఇందుకోసం 120 రోజుల సమయం పడుతుంది. ఆ పాయింట్ నుంచే అది ప్రయాణిస్తూ సూర్యుడి గురించి అధ్యయనం చేయనుంది. ఈ మిషన్ ద్వారా సౌర జ్వాలలు, సౌర రేణువులతో పాటు అక్కడి వాతావరణం గురించి మరింత సమాచారం తెలియనుంది.
